అఖిల్ కన్ఫ్యూజన్ వీడేది అప్పుడే!

అఖిల్ కన్ఫ్యూజన్ వీడేది అప్పుడే!
అక్కినేని అఖిల్ తన మొదటి చిత్రం ‘అఖిల్’తో నిరాశ చెందాడు. తన తదుపరి చిత్రంతో ఎలా అయినా 
హిట్ కొట్టాలని జాగ్రత్తగా ప్లాన్ చేస్తున్నాడు. ఈ నేపధ్యంలో హను రాఘవపూడితో సినిమా కన్ఫర్మ్ 
అయినట్లుగా వార్తలు వచ్చాయి. అఖిల్ కూడా సినిమా ఓకే అయినట్లుగా ట్వీట్ చేశాడు. సడెన్ గా 
ఏమైందో తెలియదు కానీ హనుని ప్రాజెక్ట్ నుండి తప్పించారు. ఆ స్థానంలోకి విక్రమ్ కె కుమార్ 
వచ్చినట్లుగా మరో వార్త హల్ చల్ చేసింది. ఈ లిస్టులో మారుతి కూడా చేరాడు. అయితే ఫైనల్ గా 
విక్రమ్ కె కుమార్ కే ఈ అవకాశం వెళ్ళినట్లుగా సమాచారం. విక్రమ్ చెప్పిన కథ అఖిల్ తో పాటు 
నాగార్జునకు కూడా నచ్చడంతో ప్రాజెక్ట్ ను ఓకే చేసినట్లు తెలుస్తోంది. ఈ విషయాన్ని నాగార్జున 
పుట్టినరోజు నాడు ఈ నెల 29న అఫీషియల్ అనౌన్స్ చేయడానికి ప్లాన్ చేస్తున్నారు.