అరుదైన గౌరవం దక్కించుకున్న’ వైఫ్‌ ఆఫ్‌ రామ్‌’

మంచు లక్ష్మీ ప్రధాన పాత్రలో విజయ్‌ యెలకంటి దర్శకత్వంలో రూపొందించిన సైకలాజికల్‌ థ్రిల్లర్‌ ‘వైఫ్‌ ఆఫ్‌ రామ్‌’. పీపుల్స్‌ మీడియా ఫ్యాక్టరీ, మంచు ఎంటర్‌టైన్మెంట్‌ సయుక్తంగా నిర్మించారు. ఈ చిత్రం రిలీజ్‌ అవక ముందే అరుదైన గౌరవాన్ని సొంతం చేసుకుంది. కెనడాలో జరగబోయే ఒట్టావా ఫిల్మ్‌ ఫెస్టివల్‌లో అఫీషియల్‌ స్క్రీనింగ్‌కు ఈ చిత్రం ఎంపికైంది.

జూన్‌ 13 నుంచి జరగబోయే ఈ ఫెస్టివల్‌కు 2 డాక్యుమెంటరీలు, 9 ఫీచర్‌ ఫిల్మ్స్‌ ఎంపికయ్యాయి. ఇందులో వైఫ్ ఆఫ్‌ రామ్‌ రిలీజ్‌ కాక ముందే సోషియల్లీ కాన్షియస్‌ థ్రిల్లర్‌ గా చోటు సంపాదించుకోవటం విశేషం. భర్తను చంపిన వాళ్లను ఛేదించే క్రమంలో ఓ యువతి ఎదుర్కొన్న వింత పరిస్థితులేంటి అన్నదే ఈ చిత్రకథ. సామ్రాట్‌ రెడ్డి, ఆదర్శ్‌ బాలకృష్ణ కీలక పాత్రల్లో కనిపించనున్నారు. ఈ సినిమాకి రఘు దీక్షిత్‌ సంగీతం సమకూరుస్తున్నారు. కెమెరా: సామల భార్గవ్.