HomeTelugu Newsఫన్ అండ్‌ ఫ్రస్ట్రేషన్ స్టార్ట్

ఫన్ అండ్‌ ఫ్రస్ట్రేషన్ స్టార్ట్

వెంకటేశ్‌, వరుణ్‌తేజ్‌ హీరోలుగా తెరకెక్కుతున్న మల్టీస్టారర్ మూవీ “f2” “ఫన్ అండ్‌ ఫ్రస్ట్రేషన్” ఉపశీర్షిక.. ఈ చిత్రానికి సంబంధించిన పూజా కార్యక్రమాన్ని శనివారం ఘనంగా నిర్వహించారు. యూనిట్‌ సభ్యులంతా ఈ కార్యక్రమంలో పాల్గొన్నారు. ప్రముఖ నిర్మాత అల్లు అరవింద్‌ ముఖ్య అతిథిగా హాజరై, ముహూర్తపు సన్నివేశానికి క్లాప్‌ కొట్టారు. ఈ సందర్భంగా తీసిన ఫొటోలను వరుణ్‌ ట్విటర్‌లో షేర్‌‌ చేశారు. “అద్భుతమైన బృందంతో సూపర్‌ ఫన్‌ చిత్రం ప్రారంభం కావడం చాలా సంతోషంగా ఉంది” అంటూ ట్వీట్‌ చేశారు.

1 24

“f2” చిత్రంలో తమన్నా, మెహరీన్ కథానాయికలుగా నటిస్తున్నారు. దేవిశ్రీ ప్రసాద్ సంగీతం అందిస్తున్నారు. అనిల్ రావిపూడి దర్శకత్వంలో శ్రీ వెంకటేశ్వర క్రియేషన్స్‌ పతాకంపై దిల్‌రాజు ఈ చిత్రాన్ని నిర్మిస్తున్నారు. అనిల్‌ రావిపూడి-దిల్‌రాజు కాంబినేషన్లో వస్తోన్న మూడో సినిమా “f2” ఇప్పటికే వీరిద్దరి కాంబినేషన్‌లో సుప్రీమ్‌, రాజా ది గ్రేట్‌ సినిమాలు మంచి హిట్‌ అందుకున్నాయి. వరుణ్‌ ప్రస్తుతం ఘాజీ దర్శకుడు సంకల్ప్‌ తెరకెక్కిస్తున్న సినిమాలో నటిస్తున్నారు. అంతరిక్షం నేపథ్యంలో రూపొందిస్తున్న ఈ సినిమాలో అదితి రావు హైదరి, లావణ్య త్రిపాఠి హీరోయిన్‌లు. మరోపక్క వెంకటేశ్‌-తేజ కాంబినేషన్లో ఓ సినిమా శరవేగంగా షూటింగ్‌ జరుపుకొంటోంది. దీనికి “ఆటనాదే వేటనాదే”అనే టైటిల్‌ను పరిశీలిస్తున్నట్లు తెలుస్తోంది.

Recent Articles English

Gallery

Recent Articles Telugu