Kamal Haasan Thug Life Controversy:
మనమందరం ఆసక్తిగా ఎదురు చూస్తున్న మణిరత్నం దర్శకత్వంలో వచ్చిన “Thug Life” సినిమా ఇప్పటికే పెద్ద వివాదాల్లో కూరుకుపోయింది. కమల్ హాసన్, శింబు, త్రిష లాంటి స్టార్స్ నటించిన ఈ సినిమా భారత్ అంతటా విడుదలైనా, కర్నాటకలో మాత్రం బ్యాన్ అయ్యింది. ఎందుకంటే, కమల్ హాసన్ చేసిన “కన్నడా తమిళం నుండే పుట్టింది” అన్న కామెంట్ పెద్ద దుమారం రేపింది.
ఈ వ్యాఖ్యలపై తీవ్ర వ్యతిరేకతతో, కర్నాటక ఫిల్మ్ ఛాంబర్ ఈ సినిమాను విడుదలకు అడ్డుపడింది. దాంతో సినిమా నిర్మాతలు గ్ ధనంజయన్ ప్రకారం, కర్నాటక మార్కెట్ ద్వారా వచ్చే ₹35 నుంచి ₹40 కోట్ల రెవెన్యూ మిస్ అయ్యే అవకాశముందని చెప్పారు. అందులో నిర్మాతలకు షేర్‌ మాత్రమే ₹12–₹15 కోట్లు నష్టమని అంచనా.
కర్నాటక రాష్ట్రం, బాహుబలి 2, పుష్పా, ఆర్ఆర్ఆర్, కాల్కి 2898 AD వంటి భారీ హిట్ సినిమాలకు బాగా కలెక్షన్లు ఇచ్చింది. ఈ నాలుగు సినిమాలు కలిపి ప్రపంచ వ్యాప్తంగా ₹5832 కోట్లు వసూలు చేశాయి. అందులో కర్నాటక వంతు ₹391.20 కోట్లు, అంటే దాదాపు 7%. అంటే ఎంత కీలకమైన మార్కెట్ అంటే అర్థం కదా!
ఇవే విషయాలు తెలియజేస్తూ, కమల్ హాసన్ కర్నాటక హైకోర్టును ఆశ్రయించారు. కోర్టు మాత్రం “సింపుల్ అపాలజీ” ఇవ్వాలని సూచించింది. అయితే కమల్ మాత్రం తన వ్యాఖ్యలు తప్పుగా అర్థం చేసుకున్నారని, క్షమాపణ చెప్పే ఉద్దేశం లేదని చెప్పారు.
ఇక “Thug Life” సినిమా మిక్స్‌డ్ రివ్యూలు అందుకుంటోంది. అయినా ఈ వివాదం వల్ల తమిళ, కన్నడ సినీ ఇండస్ట్రీల మధ్య సంబంధాలు దెబ్బతినే అవకాశం ఉంది అని తమిళ ప్రొడ్యూసర్ కౌన్సిల్ హెచ్చరించింది.
