తెలుగు NewsTelugu Reviews'ఎక్స్‌ట్రా ఆర్డినరీ మ్యాన్‌' రివ్యూ

‘ఎక్స్‌ట్రా ఆర్డినరీ మ్యాన్‌’ రివ్యూ

Extra Ordinary Man
వక్కంతం వంశీ డైరెక్షన్‌లో నితిన్‌ హీరోగా నటించిన చిత్రం ‘ఎక్స్‌ట్రా ఆర్డినరీ మ్యాన్‌’. ఈ సినిమా ఈ రోజు ప్రేక్షకుల ముందుకు వచ్చింది. ఇప్పటికే ఈ సినిమా నుండి విడుదలైన అప్డేట్స్‌ మూవీపై మంచి హైప్‌నే క్రియేట్‌ చేశాయ. మరి ఈ సినిమా ప్రేక్షకులను ఎంత వరకూ ఆకట్టుకుందో చూద్దాం…

ఎర్రబాలు (నితిన్) పోలీసులను ఎదురించి, తప్పించుకుని సెల్వమణి (సంపత్) సరుకుని తీసుకొస్తాడు. ఎర్రబాలు తన టీంలో కొత్తగా జాయిన్ అయ్యాడని తెలుసుకుంటాడు సెల్వమణి. ఇక ఎర్రబాలు కథ ఏంటో తెలుసుకోవాలని అనుకుంటాడు. దీంతో ఎర్రబాలు తన గతాన్ని చెబుతాడు. జూ ఆర్టిస్ట్‌ అభినయ్‌గా మొదలు పెట్టిన కథ.. చివరకు ఎస్సై సాయి నాథ్‌ కథలా ఎలా మారుతుంది? అసలు జూ. ఆర్టిస్ట్‌గా ఉన్న వాడు పోలీస్ ఎందుకు ఎలా అయ్యాడు? దాని వెనుకున్న కారణాలు ఏంటి? ఎస్సై సాయి నాథ్‌కి విలన్ నీరో (సుదేవ్ నాయర్)కి మధ్య ఆట ఎలా సాగుతుంది? ఎలా చివరకు ఎర్రబాలుగా ఎందుకు మారాల్సి వచ్చింది? ఈ కథలో లిఖిత (శ్రీలీల) కారెక్టర్‌, సోమశేఖరం (రావు రమేష్), ఐజీ విజయ్ చక్రవర్తి (రాజ శేఖర్) పాత్రలకు ఉన్న ప్రాధాన్యం ఏంటి? అన్నది థియేటర్లో చూడాల్సిందే.

వక్కంతం వంశీ అనగానే మనకు రేసుగుర్రం, కిక్, కిక్ 2, టెంపర్ వంటి చిత్రాలు గుర్తుకు వస్తాయి. అయితే రైటర్‌గా ఎన్నో సక్సెస్‌లు చూసిన వక్కంతం వంశీ దర్శకుడిగా విజయం సాధించేందుకు ప్రయత్నిస్తున్నాడు. ఈ క్రమంలో చాలా గ్యాప్ తీసుకుని ఈ కథను రెడీ చేసుకున్నాడు. అయితే సినిమా చూశాకా? ఈ కథ రాయడానికి ఇంత టైం పట్టిందా? అని అనిపిస్తుంది. ఎందుకంటే ఈ సినిమాలో రేసుగుర్రంలోంచి కొంత.. కిక్ 2లోంచి కొంత చూసిని ఫీలింగ్‌ అనిపిస్తుంది.

కథ కొత్తగా అనిపించదు. కానీ బ్లాకులు, బ్లాకులు, ఎపిసోడ్స్‌లా చూస్తే బాగుంటుంది. ప్రథమార్దం ఫుల్ జోష్‌తో, ఎనర్జీగా కనిపిస్తుంది. నితిన్ తన నటనతో అందరినీ నవ్విస్తాడు. నితిన్ కారెక్టరైజేషన్‌ను వంశీ రాసుకున్న తీరు బాగుంటుంది. ఎక్కడా ఆ కారెక్టర్‌లో ఎనర్జీ, వేగం తగ్గదు. ఫస్ట్ హాఫ్ అంతా నితిన్ చుట్టూనే కథ తిరుగుతుంది. శ్రీలీల అలా వచ్చిపోయినట్టుగా ఉంటుంది. కమర్షియల్ సినిమాలో హీరోయిన్‌ను ఎలా వాడుకుంటారో.. వంశీ సైతం అలానే ఓ మాట, ఓ పాట అన్నట్టుగా రాసుకున్నాడు.

ఇంటర్వెల్‌కు కథ ఆసక్తికరంగా మారుతుంది. స్క్రిప్ట్‌లో జరగాల్సింది.. రియల్ లైఫ్‌లో జరగడం అనేది ఇంట్రెస్టింగ్‌గా అనిపిస్తుంది. ఇక పోలీస్ స్టేషన్‌లో ఆ పాటలు, ఆ డ్యాన్సులు కాస్త ఓవర్ అనిపిస్తుంది. ప్రీక్లైమాక్స్, క్లైమాక్స్‌లో రాజశేఖర్ పాత్రను బాగా హ్యాండిల్ చేసుకున్నాడు. చివరకు ఇచ్చిన ట్విస్ట్ బాగుంటుంది. సెకండాఫ్‌లోనూ ఎంటర్టైన్మెంట్‌ను మిస్ కాలేదు. కామెడీ పార్ట్‌ను వంశీ బాగా రాసుకున్నాడనిపిస్తుంది. ఫాదర్ అండ్ సన్ సీన్లపై బాగా ఫోకస్ పెట్టినట్టుగా అనిపిస్తుంది.

టెక్నికల్‌గా ఈ మూవీ బాగుంది. కెమెరామెన్ ఇచ్చిన విజువల్స్ ఎంతో గ్రాండియర్‌గా అనిపిస్తుంది. పాటల పిక్చరైజేషన్ మెప్పిస్తుంది. దాని కోసం నిర్మాతలు పెట్టిన ఖర్చుకి తగ్గ ప్రతిఫలం వచ్చినట్టుగా కనిపిస్తుంది. ఈ సినిమా వరకు హారిస్ జైరాజ్ పాటలే బాగున్నట్టుగా అనిపిస్తాయి.. ఆర్ఆర్ అంతగా గుర్తుండకపోవచ్చు. లెంగ్త్‌ కూడా కమర్షియల్ సినిమా మీటర్‌లోనే ఉంది. డైలాగ్స్ బాగున్నాయి. నిర్మాణ పరంగా నిర్మాతలు ఎక్కడా రాజీ పడకుండా తెరకెక్కించారు.

నితిన్ యాక్టింగ్ ఎనర్జీ బాగుంది. నితిన్ కామెడీ టైమింగ్ గురించి అందరికీ తెలిసిందే. మరోసారి నితిన్ తనలోని కామెడీ యాంగిల్‌ను అందరికీ చూపించాడు. జూ. ఆర్టిస్ట్‌గా కనిపించే సీన్లలో మాత్రం నితిన్ తెగ నవ్వించేస్తాడు. యాక్షన్ సీక్వెన్స్‌ అయితే మాస్‌కు నచ్చేలా ఉంటాయి. నితిన్ తరువాత ఈ సినిమాలో రావు రమేష్ పాత్రకే ఎక్కువ మార్కులు పడతాయి. రావు రమేష్ సీన్లు అన్నీ కూడా తెరపై నవ్వులు పూయిస్తాయి. రాజ శేఖర్ కారెక్టర్ ఉన్నంత వరకు ఎనర్జీగా ఉంటుంది. శ్రీలీల అయితే గ్లామర్ కోసం, పాటల కోసమే ఉన్నట్టుగా కనిపిస్తుంది. విలన్‌గా కనిపించిన సుదేవ్ కూడా కామెడీ బాగా చేశాడు. సంపత్ పాత్ర కూడా కొత్తగా ఉంటుంది. రోహిణి, బ్రహ్మాజీ, హైపర్ ఆది, చమ్మక్ చంద్ర, సోనియా, జబర్దస్త్ సత్య ఇలా అందరూ కూడా మెప్పిస్తారు.

 

Recent Articles English

Gallery

Recent Articles Telugu