మెగా మేనల్లుడు వైష్ణవ్‌ తేజ్‌ టాలీవుడ్‌లో హీరోగా నటించిన తొలి సినిమా ‘ఉప్పెన’. తొలి సినిమాతోనే రికార్డులు సృష్టిస్తున్నాడు వైష్ణవ్‌ తేజ్‌. మెగా హీరోలను సైతం షాక్‌కు గురి చేస్తూ బాక్సాఫీస్‌ దగ్గర వసూళ్లను కురిపిస్తున్నాడు. ఇప్పటికే ఈ సినిమా రూ.70 కోట్ల కలెక్షన్లు సాధించి అందరి చేత శభాష్‌ అనిపించుకుంది. ఈ చిత్రంలో నటించిన హీరోయిన్‌ కృతీ శెట్టికి సైతం పలు ఆఫర్లు వస్తున్నాయి. తాజాగా మెగాస్టార్‌ చిరంజీవి.. కృతీ శెట్టిని, అభినందిస్తూ ఓ లేఖ పంపించాడు. బ్లాక్‌బస్టర్‌ సంగీతాన్ని అందించిన సంగీత దర్శకుడు దేవిశ్రీప్రసాద్‌కు లేఖతో పాటు ఓ ఖరీదైన బహుమతి అందించాడు. ఈ కానుకలు అందుకున్న ఈ ఇద్దరూ ఆనందంతో ఉబ్బితబ్బిబైపోయారు.
చిరంజీవి రాక్‌స్టార్‌కు పంపిన లేఖలో “డియర్‌ డీఎస్పీ, ఎగసిపడిన ఈ ఉప్పెన విజయానికి నీ సంగీతం ఆయువుపట్టు. స్టార్‌ చిత్రాలకు ఎంత ప్యాషన్‌తో సంగీతాన్ని ఇస్తావో, చిత్రరంగంలోకి ప్రవేశిస్తున్న కొత్త టాలెంట్‌కు అంతే ప్యాషన్‌తో సంగీతాన్నిస్తావు. నీలో ఉండే నీ ఎనర్జీ సినిమాలకు, మ్యూజిక్‌కు ఇచ్చే ఈ ఎనర్జీ ఎప్పటికీ ఇలాగే ఉండాలని కోరుకుంటూ మనస్ఫూర్తిగా అభినందిస్తున్నాను” అని రాసుకొచ్చారు.
OMG ! 😍
This MEGA GIFT & LETTER frm 1 & Only MEGASTAR Dearest @KChiruTweets Sir made my DAY & YEAR🎶❤️🙏🏻😍I made a Video 2 share it with U all coz a Tweet cant do Justice😁🎶
Lov U Chiru Sir..Always ❤️🎶🙏🏻@MythriOfficial #Uppena https://t.co/Tn7CqQ16QM
— DEVI SRI PRASAD (@ThisIsDSP) February 21, 2021
