బాలీవుడ్ యంగ్‌ హీరో సుశాంత్ సింగ్ మృతి తరవాత చిత్ర పరిశ్రమలో నెపోటిజంపై పెద్ద ఎత్తున చర్చ జరుగుతోంది. అంతేకాకుండా కొంతమంది సెలబ్రెటీలు సైతం సుశాంత్ మృతికి నెపోటిజం కారణమంటూ వ్యాఖ్యలు చేశారు. ఇక తాజాగా నెపోటిజం పై హీరోయిన్ అధితి రావు హైదరీ స్పందించారు. మీడియాతో మాట్లాడిన అదితి రావు హైదరీ నెపోటిజం అనేది చాలా దుర్వినియోగమైన పదం అని అన్నారు. తాను దేనిపైనా చింతించే వ్యక్తి కాదని, తన నియంత్రణలో లేని విషయాల గురించి ఎందుకు ఆలోచించాలని అదితి రావు అన్నారు. ప్రతిభ, కృషి, సమయస్ఫూర్తి, తనను తాను మంచిగా చేసుకోవడం, నేర్చుకోవడం, క్రమశిక్షణ వంటి వాటిపై దృష్టి పెట్టాలని ఆమె అన్నారు. తల్లిదండ్రుల వ్యాపారంలోకి రావడానికి ఒక వ్యక్తి పిల్లలు ఎక్కువ అవకాశాలు కలిగి ఉండటం చాలా సహజమని ఆమె అన్నారు. ప్రతి ఒక్కరూ సమస్యను ఎదుర్కొంటారని, తనకు ఒక అవకాశం వస్తే, మరొకరికి పది అవకాశాలు లభిస్తాయని ఆమె అన్నారు. అంతిమ లక్ష్యం ప్రతిభను నిరూపించడమే అని వెల్లడించారు.
నెపోటిజంపై అధితి రావు హైదరీ కామెంట్స్‌..
