మెగాస్టార్‌ చిరంజీవి నటిస్తున్న156వ సినిమాకి సంబంధించిన పనులు చకచకా జరుగుతున్నాయి. కళ్యాణ్ కృష్ణ దర్శకత్వం వహించనున్న ఈ సినిమాకి, సుస్మిత కొణిదెల నిర్మాతగా వ్యవహరిస్తోంది. ఇక 157వ సినిమాను వశిష్ఠ దర్శకత్వంలో చిరంజీవి చేస్తున్నారు. యూవీ క్రియేషన్స్ నిర్మిస్తున్న ఈ సినిమా, షూటింగ్‌ సన్నాహాలు జరుగుతున్నాయి.
ఇది సోషియో ఫాంటసీ నేపథ్యంలో సాగే కథ. ఈ సినిమాలో ముగ్గురు హీరోయిన్‌లకు ఛాన్స్ ఉంటుందని ముందుగానే చెప్పారు. ఇందులో ఒక హీరోయిన్‌గా అనుష్క పేరు, మరో హీరోయిన్‌గా మృణాల్ ఠాకూర్ పేరు వినిపించింది. తాజాగా ఐశ్వర్య రాయ్ పేరు తెరపైకి వచ్చింది. ఆమెను సంప్రదించడం .. ఆమె గ్రీన్ సిగ్నల్ ఇవ్వడం జరిగిపోయిందని అంటున్నారు.
ఐశ్వర్య రాయ్ తన కెరియర్ తొలినాళ్లలో ‘రావోయి చందమామ’ సినిమాలో స్పెషల్ సాంగ్ చేసింది. ఆ తరువాత ఆమె నేరుగా తెలుగు సినిమా చేసింది లేదు. అలాంటి తొలిసారి ఆమె తెలుగు సినిమాలో చేస్తుంది అనే వార్తలు వినిపించడంతో నెటిజన్లు సంతోషం వ్యక్తం చేస్తున్నారు.
