కోలీవుడ్‌లో తనకంటూ.. ప్రత్యేకమైన గుర్తింపుని తెచుకున్నాడు సినియర్‌ నటుడు విజయ్ కుమార్‌ తనయుడు అరుణ్ విజయ్. ఈ యంగ్‌ హీరో తాజాగా నటించిన సినిమా ‘యానై’. ఈ సినిమా ఇప్పుడు ‘ఏనుగు’ పేరుతో టాలీవుడ్‌లో జూన్‌ 17న విడుదల కాబోతుంది. ఉత్తరాంధ్ర లో అనేక బ్లాక్ బస్టర్ సినిమాలను డిస్ట్రిబ్యూషన్ చేసి, ధనుష్‌ ‘ధర్మయోగి’ తో నిర్మాతగా మారిన సీహెచ్‌ సతీష్‌ కుమార్‌.. విఘ్నేశ్వర ఎంటర్ టైన్మెంట్ పతాకంపై ఈ చిత్రాన్ని తెలుగులో విడుదల చేస్తున్నాడు.
హీరో సూర్య తో సింగం సిరీస్ , విశాల్ తో పూజ వంటి యాక్షన్ సినిమాలతో తెలుగు ప్రేక్షకులను అలరిస్తూ తనకంటూ మంచి గుర్తింపును తెచ్చుకున్న దర్శకుడు హరి ఈ మూవీకి దర్శకత్వం వహించారు. అరుణ్ విజయ్, ప్రియా భవానీ శంకర్,సముద్రఖని, కేజీయఫ్‌ ఫేమ్‌ రామచంద్రరాజు, రాధిక శరత్‌ కముఆర్‌, యోగిబాబు, అమ్ము తదితరులు కీలక పాత్రల్లో నటించారు. జీవీ ప్రకాశ్‌ కుమార్‌ సంగీతం అందించారు.
