టాలీవుడ్ యంగ్‌ హీరో నితిన్ తన ట్విట్టర్‌ ఖాతాలో ఈ రోజు ‘నిశ్చితార్థం జరిగింది’ అంటూ పోస్ట్ చేశాడు. ఈ సందర్భంగా తన కాబోయే భార్య షాలినికి ఉంగరం తొడుగుతున్న ఫొటోను షేర్‌ చేశాడు. ఈ ఫొటోలో షాలిని సిగ్గుపడుతూ, చిరునవ్వులు చిందిస్తూ కనపడింది. నితిన్ ఇంట పెళ్లి వేడుక సందడి నెలకొంది. ఈ వేడుకలు ఐదు రోజుల పాటు జ‌ర‌గ‌నున్నాయి. ఈ రోజు హైద‌రాబాద్‌లో నితిన్, షాలినిల కుటుంబ పెద్ద‌లు తాంబూలాలు ఇచ్చిపుచ్చుకున్నారు.
కరోనా నేపథ్యంలో పెళ్లి వేడుకలను నిరాడంబరంగానే నిర్వహిస్తున్నారు. ఈ నెల 26న రాత్రి 8.30 గంట‌లకు నితిన్, షాలిని వివాహానికి ముహూర్తం నిశ్చయమైంది. ఇప్పటికే పరిమిత సంఖ్యలో రాజకీయ, సినీ ప్రముఖులను నితిన్ తన పెళ్లికి ఆహ్వానించారు.
