రామ్ హీరోగా పూరీ జగన్నాథ్ దర్శకత్వంలో తెరకెక్కుతున్న ‘ఇస్మార్ట్ శంకర్’ సినిమా షూటింగ్ ప్రారంభమైంది. బుధవారం పూజా కార్యక్రమాన్ని నిర్వహించారు. ముహూర్తపు సన్నివేశానికి నటి ఛార్మి క్లాప్ కొట్టారు. నిర్మాత స్రవంతి రవి కిషోర్ కెమెరా స్విచ్చాన్ చేశారు.
ఈ సినిమాను పూరీ కనెక్ట్స్ పతాకంపై పూరీ, ఛార్మి నిర్మిస్తున్నారు. మణిశర్మ సంగీతం అందిస్తున్నారు. కాగా ఈ చిత్రంలో హీరోయిన్గా ఎవరు నటిస్తున్నారో ఇంకా ప్రకటించలేదు. ఈ మూవీ కోసం రామ్ మరింత ఫిట్గా తయారయ్యారు. ఇందులో ఆయన విభిన్నమైన మాస్ పాత్రలో కనిపించనున్నారట. ఈ ఏడాది కుదిరిన క్రేజీ కాంబినేషన్ ఇది. ఎనర్జిటిక్ స్టార్, డ్యాషింగ్ డైరెక్టర్ కలిసి ప్రేక్షకుల్ని ఎలా అలరించబోతున్నారో చూడాలి. ‘మెహబూబా’ సినిమా తర్వాత పూరీ తీస్తున్న చిత్రమిది. రామ్ గత ఏడాది ‘హలో గురు ప్రేమకోసమే’ సినిమాతో హిట్ అందుకున్నారు.