పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నారు. ప్రభాస్ రాముడిగా నటిస్తున్న చిత్రం ‘ఆదిపురుష్’. ఈ సినిమాలో బాలీవుడ్ బ్యూటీ కృతి సనన్‌ హీరోయిన్‌గా నటిస్తుంది. ఈ క్రమంలో ప్రభాస్, కృతి సనన్‌ ప్రేమలో ఉన్నట్టు బాలీవుడ్ సర్కిల్ లో పెద్ద ఎత్తున ప్రచారం జరుగుతోంది. ఈ సినిమా షూటింగ్ లోనే ఇద్దరి మధ్య ప్రేమాయణం మొదలైందని అంటున్నారు. తాజాగా ఈ అంశంపై కృతి స్పందించింది.
ఒకవేళ ఛాన్స్ వస్తే ప్రభాస్ ను పెళ్లి చేసుకుంటానని కృతి చెప్పింది. ఈ వ్యాఖ్యలు ఇప్పుడు సోషల్‌ మీడియాలో వైరల్ గా మారాయి. ఇంకోవైపు బాలీవుడ్ హీరో వరుణ్ ధావణ్ కూడా ఈ అంశంపై మాట్లాడుతూ… ప్రభాస్ జీవితంలో కొత్త డార్లింగ్ ఉందని అన్నారు. ప్రభాస్, కృతి ఇద్దరిదీ అందమైన జంట అని కితాబునిచ్చాడు. గతంలో అనుష్క శెట్టి, ప్రభాస్ లు పెళ్లి చేసుకోబోతున్నారంటూ చాలా కాలంపాటు గతంలో వార్తలు వచ్చిన సంగతి తెలిసిందే.
