మొదటి నుంచి నాని తనని తాను తెరపై కొత్తగా ఆవిష్కరించుకుంటూ వెళుతున్నాడు. ఒక వైపున హీరోగా సక్సెస్ లను అందుకుంటూనే, నెగెటివ్ షేడ్స్ కలిగిన పాత్రలను చేయడానికి కూడా వెనుకాడటం లేదు. గతంలో ఆయన
నేచురల్ స్టార్ నాని ‘జంటిల్మెన్’ , ‘వి’ సినిమాలతో నెగెటీవ్ షేడ్స్ ఉన్న పాత్రల్లో నటించి మెప్పించాడు. మరోసారి ఆయన ఈ తరహా సాహసం చేస్తున్నట్టుగా తెలుస్తోంది. శ్రీకాంత్ ఓదెల డైరెక్షన్లో నాని ‘దసరా’ అనే సినిమా చేస్తున్న సంగతి తెలిసిందే. చెరుకూరి సుధాకర్ నిర్మిస్తున్న ఈ సినిమాలో నాని నెగెటివ్ షేడ్స్ కలిగిన పాత్రలోనే కనిపిస్తాడట. ఈ పాత్రలో కొత్త నాని కనిపిలుస్తాడని చెప్పుకుంటున్నారు.
ఈ సినిమాలో కీర్తి సురేశ్ హీరోయిన్గా అలరించనుంది. సంతోష్ నారాయణ సంగీతాన్ని అందిస్తున్నారు. ప్రస్తుతం కరోనా కారణంగా ఆగిపోయిన షూటింగును, త్వరలో మొదలు పెడతారట. ఇక ఈ సినిమాతో పాటు నాని ‘అంటే .. సుందరానికీ!’ చేస్తున్న సంగతి తెలిసిందే. వివేక్ ఆత్రేయ దర్శకత్వం వహిస్తున్న ఈ సినిమాతో నజ్రియా నజీమ్ హీరోయిన్గా ఎంట్రీ ఇవ్వనుంది.