పవర్‌స్టార్‌ పవన్‌ కళ్యాణ్‌ రీ ఎంట్రీ తరువాత వరస సినిమాలతో బీజీగా ఉన్నారు. ప్రస్తుతం ‘వకీల్‌సాబ్‌’ సినిమాలో నటిస్తున్న పవన్‌ .. ఆ తరువాత క్రిష్‌, హరీశ్‌ శంకర్‌లతో సినిమాలు చేయనున్నట్లు ప్రకటించారు. ఈ నేపథ్యంలోనే తాజాగా పవన్‌ మరో కొత్త ప్రాజెక్ట్‌ సంతాకం చేశారు.
సితార ఎంటర్‌టైన్‌మెంట్స్‌ పతాకంపై సాగర్‌ కె.చంద్ర డైరెక్షన్‌లో తెరకెక్కనున్న ఓ సినిమాలో పవన్‌ నటించనున్నారు. ఈ విషయాన్ని సదరు నిర్మాణ సంస్థ అధికారికంగా ప్రకటించింది. దసరా సందర్భంగా కొత్త ప్రాజెక్ట్‌ ప్రకటిస్తూ ఓ ప్రత్యేక వీడియోను విడుదల చేసింది. ‘తెలుగు సినిమా అభిమాన పోలీస్‌ ఈజ్‌ బ్యాక్‌ ఇన్‌ హై ఓల్టేజ్‌ రోల్‌’ అని పేర్కొంది. తమన్‌ సంగీతం అందించనున్నారు.
