సెలబ్రెటీలు ధరించిన దుస్తులు, వాచ్లు, షూస్, హ్యండ్బ్యాగ్ ఇలా అన్నింటి ధరలు సోషల్ మీడియాలో ఇప్పుడు హల్చల్ చేస్తున్న సంగతి తెలిసిందే. తాజాగా రామ్ చరణ్ ధరించిన ఓ వాచ్ ఖరీదుపై కూడా సోషల్ మీడియాలో చర్చ జరుగుతోంది. రామ్ చరణ్ ఈ మధ్య ఎక్కువగా ఇదే వాచ్తో కనిపిస్తున్నాడు. ఆ వాచ్ ఖరీదు తెలిసి అందరూ షాకవుతున్నారు. చరణ్ ధరించిన వాచ్ 1.50 లక్షల డాలర్లు అట. రూపాయల్లో దీని ధర సుమారు కోటిన్నర. ఇప్పుడు ఆ వాచ్ ఖరీదు బయటపడటంతో అంత కాస్ట్లీనా అంటూ నెటిజన్లు ఆశ్చర్యం పోతున్నారు.
ఇంత ఖరీదైన వాచ్తో సామాన్యులు జీవితాంతం సంతోషంగా బతికేయచ్చు అని అంటుంటే.. మరికొందరు స్టార్స్ అన్నప్పుడు ఆమాత్రం ఉండాలంటూ కామెంట్స్ పెడుతున్నారు. ఇక మరోవర్గం వారు ఆ వాచ్ డబ్బులు పేదవాళ్లకు ఇస్తే ఎంతోమంది బాగుపడతారు అంటున్నారు. రామ్ చరణ్ ప్రస్తుతం యంగ్టైగర్ ఎన్టీఆర్, దర్శకధీరుడు రాజమౌళి కాంబినేషన్లో తెరకెక్కుతున్న ‘ఆర్ఆర్ఆర్’ సినిమాలో నటిస్తున్నాడు. ఈ సినిమాలో చరణ్ అల్లూరి సీతారామరాజు పాత్రలో కనిపించబోతున్నాడు. చెర్రీకి జోడీగా బాలీవుడ్ నటి ఆలియా భట్ నటిస్తోంది. అలాగే మెగాస్టార్ చిరంజీవి హీరోగా కొరటాల శివ దర్శకత్వంలో రూపొందుతున్న ‘ఆచార్య’ తోనూ రామ్ చరణ్ బిజీగా ఉన్నాడు. ఈ సినిమాకు నిర్మాతగా వ్యవహరిస్తున్న చరణ్ ఓ కీలక పాత్రలోనూ కనిపించనున్నాడు.
https://www.instagram.com/p/CNWgb7DJWog/?utm_source=ig_web_copy_link