80ల‌లో అగ్ర‌హీరోల‌తో క‌లిసి న‌టించి తన అందాల‌తో ఇండ‌స్ట్రీని ఓ ఊపు ఊపింది సిల్క్ స్మిత. తన అందచందాలో కుర్ర‌కారు గుండెల్ని పిండేసింది. నేడు సిల్క్ స్మిత జయంతి. అయితే సిల్క్ జీవితాన్ని ఆధారంగా చేసుకుని పాన్‌ ఇండియా స్థాయిలో మరో బయోపిక్ రానుంది.
చంద్రికా రవి ప్రధాన పాత్రలో నటిస్తోన్న ఈ చిత్రంతో జయరామ్‌ అనే కొత్త దర్శకుడు ఇండస్ట్రీకి ప‌రిచయం అవుతున్నాడు. ‘సిల్క్ స్మిత ది అన్‌టోల్డ్‌ స్టోరీ’ అనే పేరుతో ఈ సినిమా ప్రేక్షకుల ముందుకు రానుండ‌గా.. నేడు సిల్క్ స్మిత పుట్టినరోజు సంద‌ర్భంగా చిత్రబృందం ఫస్ట్‌లుక్‌ పోస్టర్‌ను విడుదల చేసింది.
ఇందులో చంద్రిక.. స్మితలా కనిపించ‌నుంది. ప్రస్తుతం చిత్రీకరణ దశలో ఉన్న ఈ సినిమా వచ్చే ఏడాది ప్రేక్షకుల ముందుకు రానుంది. సిల్క్ స్మిత 1996 సెప్టెంబ‌ర్ 23న అనుమానాస్ప‌ద స్థితిలో ఆత్మ‌హ‌త్య‌కు పాల్ప‌డ్డారు. ఇక వెండితెర‌పై సిల్క్ స్మిత బయోపిక్ ‘డర్టీ పిక్చర్‌’ రాగా విద్యాబాల‌న్ లీడ్ రోల్‌లో న‌టించింది.
