బుల్లితెరపై సుడిగాలి సుధీర్కి మంచి ఫాలోయింగ్ ఉంది. కామెడీ షోలు చేస్తూనే ఎంతోమంది ఫ్యాన్స్ను సంపాదించుకున్నాడీ కమెడియన్. తనకు వచ్చిన గుర్తింపు, ఆదరణతో సినిమాల్లోనూ లక్ పరీక్షించుకోవాలనుకున్నాడు.
ఇదిలా ఉంటే ఇటీవలే సుధీర్కి ఎంగేజ్మెంట్ జరిగిందంటూ తాజాగా ఓ వార్త సోషల్ మీడియాలో వైరల్గా మారింది. నిజంగానే ఓ కామెడీ షోలో సుధీర్కు ఎంగేజ్మెంట్ జరిపించారు. దీంతో అయోమయానికి లోనైన కొందరు అభిమానులు సుధీర్ త్వరలోనే పెళ్లిపీటలెక్కబోతున్నాడా? అని చర్చలు మొదలు పెట్టారు.
గతంలో సుధీర్కు నిశ్చితార్థమేంటి? ఏకంగా పెళ్లి కూడా చేశారు. కాకపోతే అదంతా స్కిట్లో భాగంగానే! దీంతో ఈ ఎంగేజ్మెంట్ కూడా కచ్చితంగా ప్రాంక్ అయ్యుంటుందని అభిప్రాయపడుతున్నారు మెజారిటీ నెటిజన్లు. ఇలా చాలాసార్లు మోసపోయాం, కానీ ఈసారి ఆ ఛాన్స్ మీకు ఇవ్వమని తేల్చేస్తున్నారు. కానీ కొందరు మాత్రం.. ‘ఆ అమ్మాయి ఇండస్ట్రీకి సంబంధం లేని వ్యక్తిలా కనిపిస్తోంది. మరి ఇదెంతవరకు నిజమో తెలియాల్సి ఉంది!