ప్రముఖ దర్శకుడు శంకర్, విశ్వనటుడు కమల్ హాసన్ కాంబినేషన్లో వస్తున్న సినిమా ‘భారతీయుడు 2’. 1996లో శంకర్, కమల్ కలిసి చేసిన ‘భారతీయుడు’ మూవీకు ఈ చిత్రం సీక్వెల్ గా రూపొందనుంది. త్వరలోనే ఈ సినిమా రెగ్యులర్ షూట్ మొదలుకానుంది.
కాగా ఈ సినిమాలో టాలీవుడ్ స్టార్ కమెడియన్ వెన్నెల కిశోర్ ఒక కీలక పాత్ర చేయనున్నట్లు తెలుస్తోంది. సినీ వర్గాల సమాచారం మేరకు ఈయన తెలుగుతో పాటు తమిళ వెర్షన్లో కూడ కనిపిస్తారని తెలుస్తోంది.