నందమూరి తారకరామారావు బయోపిక్ షూట్‌ శెరవేగంగా జరుగుతుంది. ఈ చిత్రాని ‘ఎన్టీఆర్’ పేరుతో నిర్మిస్తున్నారు. ఈ చిత్రంలో బాలకృష్ణ ప్రధాన పాత్రను పోషిస్తున్న సంగతి తెలిసిందే. ఈ సినిమాకు సంబంధించిన మరో న్యూస్ బయటకు వచ్చింది. ఎన్టీఆర్ సినీ, రాజకీయ జీవితంలో హరికృష్ణ కీలకమైన పాత్రను పోషించిన సంగతి తెలిసిందే. ఎన్టీఆర్ రాజకీయాల్లోకి వచ్చే సమయంలో హరికృష్ణ రథసారధిగా వ్యవహరించారు. ఎన్టీఆర్ వెన్నంటే ఉన్నారు. ఎన్టీఆర్ బయోపిక్ లో ఈ పాత్రకు సంబంధించిన కీలకమైన సమాచారం బయటకు వచ్చింది.
హరికృష్ణ పాత్ర కోసం కళ్యాణ్ రామ్ ను ఎంపిక చేశారని వార్తలు వినిపిస్తున్నాయి. బాలకృష్ణతో కళ్యాణ్ రామ్ కు మంచి అనుబంధాలు ఉన్నాయి. ఎన్టీఆర్ బయోపిక్ లో ఆయన కుటుంబ సభ్యులను తీసుకోకపోవడంపై విమర్శలు వెలువడుతున్న సమయంలో ఆ విమర్శలకు చెక్ చెప్పేందుకు హరికృష్ణ పాత్ర కోసం కళ్యాణ్ రామ్ ను ఎంపిక చేశారు. త్వరలోనే కళ్యాణ్ రామ్ ఎన్టీఆర్ బయోపిక్ షూటింగ్ లో పాల్గొంటారని తెలుస్తున్నది. ఈ చిత్రానికి క్రిష్‌ దర్శకత్వం వహిస్తున్నాడు. కాగా అమితాబ్‌, నయన తార, విద్యబాలన్‌ తదితరులు కీలక పాత్రలు పోషిస్తున్నారు.
