హాస్య బ్రహ్మాగా పేరు తెచ్చుకున్న నటుడు బ్రహ్యానందం. ఒక దశాబ్దం పాటు దాదాపు విడుదలైన ప్రతి తెలుగు సినిమాలోనూ కనిపించి నవ్వుల్ని పండించిన సీనియర్ నటుడు బ్రహ్మానందంకు ఈ మధ్య సినిమా అవకాశాలు బాగా తగ్గాయి. కొన్ని సినిమాల్లో మాత్రమే ఆయన కనిపిస్తున్నారు. దీంతో బ్రహ్మానందం బుల్లి తెరపై దృష్టి పెట్టారు. ఛానెల్ స్టార్ మా బ్రహ్మానందం వ్యాఖ్యాతగా ఒక కామెడీ షోను ప్లాన్ చేసింది.
బ్రహ్మానందంను నవ్వించగలిగే కామెడీ యాంగిల్ మీలో ఉంటే షోలో పాల్గొనండి అంటూ ప్రోమోను కూడ రిలీజ్ చేశారు. స్టార్ మా లో ప్రస్తుతం ప్రసారం అవుతున్న బిగ్ బాస్ షో తర్వాత ఈ కామెడీ షో ప్రారంభం కాబోతున్నట్లు సమాచారం. కాగా ఇప్పటికే చిరంజీవి, నాగార్జున, ఎన్టీఆర్ అటు సినిమాలతో పాటు బుల్లితెరపై యాంకర్స్ వచ్చి సక్సెస్ అయ్యారు. ఇప్పుడు ఇదే కోవలో స్టార్ కమెడియన్ అయిన బ్రహ్మానందం చేరిపోయారు. ఈటీవీ జబర్దస్త్‌ కామెడీ షోకు ఈ షో ని పోటీగా నిలపాలి అని స్టార్ మా వాళ్ళు భావిస్తున్నట్లు టాక్.
