హీరోయిన్‌ ప్రణిత సుభాష్‌ పెళ్లి పీటలెక్కింది. రహస్యంగా నితిన్‌ రాజు అనే వ్యాపారవేత్తని ప్రేమించి పెళ్లి చేసుకుంది బాపుగారి బొమ్మ. అతి కొద్ది మంది బంధువులు, సన్నిహితుల సమక్షంలో ఈ వివాహ వేడుక జరిగింది. కరోనా నేపథ్యంలో బెంగుళూరులోని ప్రణిత నివాసంలోనే పెళ్లి జరిగినట్లు తెలుస్తోంది. ఇక వివాహానికి హాజరైన ఓ స్నేహితుడు పెళ్లి ఫొటోలను సోషల్‌ మీడియాలో షేర్‌ చేయడంతో ఈ విషయం బయటకు వచ్చింది. గంటల వ్యవధిలోనే ప్రణిత పెళ్లి హాట్‌ టాపిక్‌గా మారింది.
పెళ్లి కొడుకు నితిన్‌ కూడా బెంగుళూరుకు చెందిన వ్యక్తిని అని తెలుస్తోంది. ఇక పెళ్లి వార్తలపై ప్రణిత స్పందించింది. ఇది లవ్‌ కమ్‌ అరెంజెడ్‌ మ్యారెజ్‌. చాలా కాలంగా నితిన్‌ నాకు తెలుసు. ఇక పెళ్లితో మా బంధాన్ని మరింత ముందుకు తీసుకెళ్లాలని నిర్ణయించుకున్నాం. మా ఇరు కుటుంబాలు మా నిర్ణయం పట్ల చాలా సంతోషించారు. ఇక నా వ్యక్తిగత విషయాలను బయట పెట్టడం నాకు అంతగా ఇష్టం ఉండదు. నేను నా పెళ్లి ఎలా అయితే జరగాలని కలలు కన్నానో అలానే జరిగింది. కరోనా కారణంగా అతి కొద్ది మంది బంధువులు, సన్నిహితులు హాజరయ్యారు అని ప్రణిత వివరించింది. ఇక తెలుగులో పలు సినిమాల్లో నటించిన ప్రణిత అత్తారింటికి దారేది, రభస చిత్రలతో మరింత గుర్తింపు పొందింది. ప్రస్తుతం ఆమె హంగామా-2, భుజ్ అనే చిత్రాల్లో నటిస్తోంది. కన్నడలోనూ రమణ అవతార అనే సినిమాలో నటిస్తుంది.
