స్టైలీష్‌ స్టార్‌ అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో ‘అల వైకుంఠపురములో’ కొద్దిసేపటి క్రితం చిత్రం ఫస్ట్ లుక్ విడుదలైంది. ‘జులాయి’, ‘సన్నాఫ్ సత్యమూర్తి’ చిత్రాల తరువాత హ్యాట్రిక్ విజయం కోసం వారిద్దరి కాంబినేషన్ లో వస్తున్న చిత్రం ఇది. ఈ సినిమా మొదటి ప్రచార చిత్రాన్ని బన్నీ తన ట్విటర్ ఖాతా ద్వారా ఫ్యాన్స్ తో పంచుకున్నారు. ఈ పోస్టర్ లో అటు క్లాస్ గా, ఇటు మాస్ గా కనిపిస్తున్న అల్లు అర్జున్ అద్భుతంగా అనిపిస్తున్నాడు. ఓ హై ఎండ్ కారు ముందు స్టూల్ పై, కోట్ వేసుకుని కూర్చున్న అల్లు అర్జున్ కు ఓ పోలీసు సిగరెట్ ను వెలిగిస్తున్నట్టు ఇది కనిపిస్తోంది. బన్నీ 19వ చిత్రంగా రానున్న ఈ సినిమా వచ్చే సంవత్సరం సంక్రాంతికి విడుదల కానుండగా, పూజా హెగ్డే హీరోయిన్ గా నటిస్తున్న సంగతి తెలిసిందే. వీరిద్దరి కాంబినేషన్ లో ఇది రెండో సినిమా. టబు, జయరాం, నివేదా పేతురాజ్, సుశాంత్, సునీల్ తదితరులు ఈ సినిమాలో నటిస్తుండగా, హారిక అండ్ హాసిని, గీతా ఆర్ట్స్ సంయుక్తంగా నిర్మిస్తున్నాయి.
1st Poster of AVPL . #AlaVaikunthapuramuloPoster pic.twitter.com/xSdKvaYHAn
— Allu Arjun (@alluarjun) September 1, 2019
