Anasuya comments on Janasena: న్యూస్ లీడర్‌గా కెరియర్ ప్రారంభించిన అనసూయ.. జబర్దస్త్ యాంకర్‌గా ఓ వెలుగు వెలిగింది. ప్రస్తుతం యాంకరింగ్‌కి గ్యాప్ ఇచ్చి.. వరుస సినిమాలతో ఫుల్‌ బిజీగా ఉంది ఈ అమ్మడు. పుష్ప, రంగస్థలం, యాత్ర, రంగమార్తాండ, క్షణం వంటి సూపర్ హిట్ చిత్రాల్లో నటించి.. మంచి గుర్తింపు తెచ్చుకుంది. ఇటీవల ఆమె నటించిన రజాకార్ చిత్రానికి మంచి స్పందన లభించింది. ప్రస్తుతం ఆమె నటించిన ‘అరి’ సినిమా విడుదలకు రెడీగా ఉంది.
తాజాగా ఓఇంటర్వ్యూ లో అనసూయ ఆసక్తికర వ్యాఖ్యలు చేసింది. ఈక్రమంలో ఆమె మాట్లాడుతూ.. సొసైటీపై సినిమా ప్రభావం ఎక్కువగా ఉంటుందని.. కాబట్టి సొసైటీలో ఉంటున్న తనకీ ఓ మంచి నాయకుడ్ని ఎన్నుకునే బాధ్యత ఉందని.. కాబట్టి తాను చెప్తే వినేవాళ్లు ఉండటం తన అదృష్టం అని అన్నారు అనసూయ.
‘ఇది వివాదం అవ్వొచ్చు కానీ.. అడిగారు కాబట్టి చెప్తున్నా. నేను తప్పై ఉండొచ్చు. నాకు లీడర్స్‌తోనే పని. పొలిటికల్ పార్టీలతో కాదు. పవన్ కళ్యాణ్ గొప్ప నాయకుడు. ఆయన ప్రచారం చేయమని పిలిస్తే తప్పకుండా వెళ్తాను. జబర్దస్త్‌లో రోజా, నాగబాబు ఇద్దరితో కలిసి పనిచేశాను. నాకు నాగబాబు గారు బాగా క్లోజ్. ఒకవేళ అటు నుంచి రోజా గారూ.. ఇటు నుంచి నాగబాబు గారూ పార్టీలోకి పిలిస్తే.. నాకు నాయకులతోనే పని.
పార్టీలతో పని కాదు. నాకు చాలా పార్టీల నుంచి చాలామంది లీడర్లు తెలుసు. వాళ్లని అభిమానిస్తాను. వాళ్లు ఇద్దర్నుంచి పిలుపునిస్తే.. ఆ రెండు పార్టీల్లోకి వెళ్తాను. అది నా ఆసక్తికిని బట్టి ఉంటుంది. కానీ అది నా జాబ్ కాదు. నేను ఏది నమ్ముతానంటే.. నా అజెండాని బట్టి నేను సపోర్ట్ చేస్తాను. నాకు రాజకీయాలంటే ఇష్టం లేదు. మా నాన్న గారు రాజకీయాల్లో ఉండేవారు. ఆయన పాలిటిక్స్ మానేయడానికి కారణం నేనే. కానీ నేను ఈ సొసైటీలో ఉంటున్నాను కాబట్టి.. మంచి లీడర్‌ని ఎన్నుకోవాల్సిన బాధ్యత నాపై ఉంటుంది.
మంచి లీడర్‌ని ఎన్నుకోమని నేనే వేరే వాళ్లకి చెప్పడం వాళ్లు నా వినడం అది నా అదృష్టం. నేను చెప్తే వింటారు కాబట్టి.. కరెక్ట్‌గా చెప్పాలి. నేను చెప్తే వింటారని ఏది పడితే అది చెప్పడం తప్పు. సినిమా అనేది చాలా ఇంపాక్ట్ చేస్తుంది. ఒకవేళ జనసేన నుంచి ప్రచారం చేయమని అడిగితే తప్పకుండా వెళ్తాను. పవన్ కళ్యాణ్ మంచి లీడర్ కాబట్టి.. ఆయన పిలిస్తే నేను వెళ్తాను. నేను వెళ్తే మాత్రం తెలుసుకునే వెళ్తాను అంటూ చెప్పుకొచ్చింది అనసూయ.
