శ్రీ అభిషేక్ పిక్చర్స్ సంస్థ అధినేత అభిషేక్ నామా నిర్మాణ రంగంలోకి అడుగుపెట్టిన సంగతి తెలిసిందే. బెల్లంకొండ సాయి శ్రీనివాస్ హీరోగా ప్రముఖ దర్శకుడు బోయపాటి శ్రీను దర్శకత్వంలో అభిషేక్ నామా నిర్మించనున్న సినిమా వచ్చే నెలలో ప్రారంభం కానుంది. ఈ సంధర్భంగా… నిర్మాత అభిషేక్ నామా మాట్లాడుతూ.. ”బోయపాటి మార్క్ స్టైలిష్ అండ్ యాక్షన్ ఎంటర్ టైనర్ ఇది. బెల్లంకొండ శ్రీనివాస్ కు సరైన కథ. ఈ సినిమా కోసం శ్రీను మేకోవర్ అవుతున్నాడు. లవ్, యాక్షన్ రెండింటికీ సమాన ప్రాముఖ్యత ఉంటుంది. ఆరు నెలలుగా ప్రీ ప్రొడక్షన్ వర్క్ జరుగుతోంది. నవంబర్ 4న పూజా కార్యక్రమాలతో ఘనంగా చిత్ర ప్రారంభోత్సవం నిర్వహించనున్నాం. ఆ వెంటనే రెగ్యులర్ షూటింగ్ మొదలవుతుంది. దేవిశ్రీప్రసాద్ ఈ చిత్రానికి సంగీతం అందించనున్నారు. రకుల్ ప్రీత్ సింగ్ హీరోయిన్ గా నటించనున్నారు. ఇతర నటీనటులు, సాంకేతిక నిపుణుల వివరాలను త్వరలోనే వెల్లడిస్తాం” అన్నారు.
బోయపాటి కొత్త చిత్రం ప్రారంభం కానుంది!
