మెగాస్టార్ చిరంజీవి ప్రస్తుతం బింబిసార దర్శకుడు వశిష్ఠతో సోషియో ఫాంటసీ సినిమాకు రెడీ అవుతున్నాడు. ప్రస్తుతం ప్రీ ప్రొడక్షన్‌ పనులు జరుపుకుంటున్న ఈ సినిమా త్వరలోనే పట్టాలెక్కనుంది. ఇక దీనితో పాటు సోగ్గాడే చిన్ని నాయనా దర్శకుడు కళ్యాణ్‌ కృష్ణతో ఓ ఫ్యామిలీ ఎంటర్‌టైనర్‌ చేయబోతున్నాడు. అయితే ముందుగా దేన్ని పట్టాలెక్కిస్తాడో ఇప్పటివరకు ఎలాంటి క్లారిటీ లేదు.
ఇక తాజాగా చిరంజీవి కొత్త సినిమాకి సంబంధించిన ఓ అప్‌డేట్‌ సోషల్ మీడియాలో వైరల్ అవుతుంది. చిరంజీవి తన నెక్స్ట్‌ సినిమాను బోయపాటితో చేయబోతున్నట్లు సోషల్ మీడియాలో వార్తలు తెగ వైరల్ అవుతున్నాయి. ఆ మధ్య బోయపాటి చిరుకు ఓ లైన్‌ చెప్పాడట.
అది బాగా నచ్చడంతో ఫుల్ స్క్రిప్ట్‌ను రెడీ చేసి తీసుకురమ్మన్నాడట. ఇక చిరుకు ఫైనల్‌ నెరేషన్‌ నచ్చితే ఈ సినిమా పట్టాలెక్కే చాన్స్‌ ఉందట. అంతేకాకుండా ఈ సినిమాను పాన్‌ ఇండియా రేంజ్‌లో తెరకెక్కించాలని బోయ ప్లాన్‌ చేస్తున్నాడట. ఇందులో నిజమెతుందో తెలియదు కానీ ఈ వార్త సోషల్ మీడియాను ఊపేస్తుంది.
