దివంగత ముఖ్యమంత్రి వైఎస్ రాజశేఖర్ రెడ్డి పై జీవితం ఆధారంగా ‘యాత్ర’ పేరుతో బయోపిక్ తీస్తున్న సంగతి తెలిసిందే. ఈ సినిమాకి మహి వి రాఘవ్ దర్శకత్వం వహిస్తున్నారు. కాగా ఈ చిత్రంలో వైఎస్ తనయుడు వైఎస్ జగన్ పాత్రను ఎవరు పోషిస్తారు అనే విషయంపై చాలా రోజుల నుండి అభిమానుల్లో సందిగ్దత నెలకొంటూ వస్తోంది.
కానీ ఇప్పుడు అసలు సినిమాలో జగన్ పాత్రే ఉండదని, స్క్రిప్ట్ నుండి జగన్ సన్నివేశాలను తొలగించేశారని సమాచారం. దర్శకుడు రాఘవ్ ఈ సినిమా వైఎస్ 2003లో చేసిన 1500 కిలోమీటర్ల పాదయాత్రను ఆధారంగా చేసుకుని మాత్రమే ఉండాలని నిర్ణయించుకున్నారట. అందుకే ఈ డెసిషన్ తీసుకున్నట్లు సమాచారం. ఈ చిత్రంలో మమ్ముటి ప్రధాన పాత్ర పోషిస్తున్నారు. ఈ ఏడాది ఆఖరుకి ఈ సినిమాని రిలీజ్ చేయనున్నారు.
