‘ఆర్‌ఆర్‌ఆర్’ టీమ్‌కు మరో షాక్‌.. ఎన్టీఆర్‌కు గాయం

దర్శకధీరుడు ఎస్‌.ఎస్‌ రాజమౌళి ప్రతిష్టాత్మకంగా తెరకెక్కిస్తున్న భారీ మల్టీస్టారర్‌ మూవీ ‘ఆర్‌ఆర్‌ఆర్’‌. పీరియాడిక్‌ యాక్షన్‌ డ్రామాగా తెరకెక్కుతున్న ఈ చిత్రం లో రామ్‌చరణ్‌, ఎన్టీఆర్‌లు కలిసి నటిస్తున్నారు. ప్రస్తుతం ఈ సినిమా షూటింగ్ కార్యక్రమాలు శరవేగంగా జరగుతున్నాయి. ఇటీవల పూణేలో షూటింగ్ జరుగుతుండగా రామ్‌చరణ్‌ గాయపడటంతో షూటింగ్‌ను అర్థాంతరంగా మూడు వారాల పాటు వాయిదా వేశారు.

చరణ్ గాయం తగ్గటంతో ఇటీవల హైదరాబాద్‌లో తిరిగి షూటింగ్ ప్రారంభించారు. అయితే తాజాగా మరో హీరో ఎన్టీఆర్‌ కూడా గాయపడినట్టుగా తెలుస్తోంది. కుడి చేతికి కట్టుతో ఉన్న ఎన్టీఆర్‌ ఫోటోలు సోషల్ మీడియాలో వైరల్‌గా మారాయి. అయితే గాయం పెద్దది కాకపోవటంతో ఎన్టీఆర్ యథావిదిగా షూటింగ్‌కు వెళ్తున్నాడట.

రామ్‌ చరణ్‌ సరసన బాలీవుడ్ బ్యూటీ అలియా భట్ నటిస్తుండగా ఎన్టీఆర్‌ కు జోడి కోసం చిత్రయూనిట్ అన్వేషణలో ఉంది. డీవీవీ దానయ్య భారీ బడ్జెట్‌తో తెరకెక్కిస్తున్న ఈ సినిమాకు కీరవాణి సంగీతమందిస్తున్నాడు.