kannappa: మంచు విష్ణు డ్రీమ్‌ ప్రోజెక్ట్‌ ‘కన్నప్ప’ గురించి ప్రత్యేకించి చెప్పానవసరం లేదు. ఈ సినిమాలో మొదలు పెట్టిన్పటి నుండి ప్రేక్షకుల్లో ఆసక్తి నెలకొంది. మోహన్ బాబు నిర్మాణంలో వస్తున్న ఈ చిత్రానికి మహాభారతం సీరియల్ ఫేమ్ ముఖేష్‌కుమార్‌ సింగ్‌ దర్శక‌త్వం వ‌హిస్తున్నాడు.
ప్ర‌స్తుతం ఈ సినిమా షూటింగ్ శ‌ర‌వేగంగా జ‌రుపుకుంటున్న విష‌యం తెలిసిందే. అత్యంత భారీ బడ్జెట్‌తో పాన్‌ ఇండియా వస్తున్న ఈ సినిమా నుండి ఈరోజు ‘మ‌హాశివ‌రాత్రి ‘ కానుక‌గా ఈ సినిమా నుంచి మంచు విష్ణు ఫస్ట్ లుక్ విడుద‌ల చేశారు.
ఇక ఈ ఫస్ట్ లుక్‌లో విష్ణు జలపాతం నుంచి ఎంట్రీ ఇస్తూ.. బాణంను ఎక్కుపెట్టిన‌ట్లు క‌నిపిస్తున్నాడు. ప్ర‌స్తుతం ఈ పోస్ట‌ర్ సోషల్ మీడియాలో వైర‌ల్‌గా మారింది. ప్రీతి ముఖుంధన్ నటిస్తుంటే ప్రభాస్, మధుబాల, నయనతార, మోహన్ లాల్, శివరాజ్ కుమార్, శరత్ కుమార్.. వంటి భారీ స్టార్ కాస్ట్ ముఖ్య పాత్రలు చేస్తున్నారు.
ఇక ఈ సినిమాలో ప్రభాస్ శివుడిగా కనిపించబోతున్నారట. పార్వతీ దేవిగా నయనతార నటించబోతున్నారని తెలుస్తుంది. ఇటీవల న్యూజిలాండ్‌లో లాంగ్‌ షెడ్యూల్‌ పూర్తి చేసుకున్న చిత్ర బృందం ఇండియాకు తిరిగొచ్చింది. తాజా సమాచారం ప్రకారం మార్చిలో మొదలయ్యే తాజా షెడ్యూల్‌లో ప్రభాస్ జాయిన్‌ కానన్నుట్లు తెలుస్తుంది.
