మెగా బ్రదర్ నాగబాబు సోషల్మీడియాలో చాలా యాక్టివ్గా ఉంటారు. తనకు సంబంధించిన ఏ విషయాన్ని అయినా సోషల్ మీడియాలో నెటిజన్లతో షేర్ చేసుకుంటాడు. తాజాగా ఆయన ఫ్యాన్స్తో చిట్చాట్ నిర్వహించాడు. ఈ సందర్భంగా నాగబాబుకు ‘వరుణ్తేజ్ పెళ్లెప్పుడు?’ అన్న ప్రశ్న ఎదురైంది. ఇప్పటికే ఎన్నోసార్లు ఈ ప్రశ్న విని, దానికి సమాధానాలు చెప్పి విసుగెత్తిపోయిన ఈయన ఈ క్వశ్చన్కు వరుణ్తేజే ఆన్సరిస్తాడని చెప్పి తెలివిగా తప్పించుకున్నాడు.
కాగా గతంలోనూ వరుణ్ అన్న మ్యారేజ్ ఎప్పుడు చేస్తారు బాస్ అని ఓ నెటిజన్ ప్రశ్నించగా మంచి సంబంధాలు ఉంటే చూడమని బదులిచ్చాడు నాగబాబు. మరొకసారైతే వరుణ్ ప్రేమ వివాహం చేసుకున్నా తనకెలాంటి అభ్యంతరం లేదని పరోక్షంగా బదులిచ్చాడు. ఇదిలా ఉంటే వరుణ్ ఓ హీరోయిన్ను పెళ్లాడబోతుందంటూ ప్రచారం జరగ్గా అది వట్టి పుకారుగానే తేలిపోయింది. హైదరాబాద్కు చెందిన ఓ పారిశ్రామికవేత్త కూతురితో ఏడడుగులు వేయబోతున్నాడంటూ కూడా కథనాలు రాగా అది కేవలం ఊహాగానాలుగానే మిగిలిపోయాయి. ఇక వరుణ్ సినిమాల విషయానికి వస్తే అతడు నటించిన ఎఫ్3 మే 27న విడుదలవుతుండగా గని ఏప్రిల్ 8న విడుదల కానుంది.
