Ram Charan Peddi Netflix Deal:
గ్లోబల్ స్టార్ రామ్ చరణ్ “పెద్ది” సినిమాతో బిజీగా ఉన్నారు. ఊర్లో జరిగే స్పోర్ట్స్ డ్రామాగా ఈ సినిమా తెరకెక్కుతోంది. ‘ఉప్పెన’ ఫేం బుచ్చిబాబు సనా దర్శకత్వం వహిస్తున్న ఈ చిత్రానికి మొదటి గ్లింప్స్ వచ్చిన దగ్గర నుంచి భారీ అంచనాలు ఏర్పడ్డాయి. రామ్ చరణ్ మేకోవర్, స్క్రీన్ ప్రెజెన్స్ సినిమాకి ప్రధాన ఆకర్షణగా నిలుస్తున్నాయి.
ఇప్పటికే షూటింగ్ ప్లాన్ ప్రకారం జరుగుతోంది. తాజాగా మేకర్స్ డిజిటల్ హక్కుల గురించి ఒక పెద్ద అప్‌డేట్ ఇచ్చారు. అన్ని భాషల డిజిటల్ హక్కులు కలిపి Netflix రూ.105 కోట్ల భారీ ధరకు కొనుగోలు చేసింది. ఇది రామ్ చరణ్ సినిమాల జాబితాలో ఇప్పటివరకు వచ్చిన డిజిటల్ డీల్‌లలో రికార్డ్ గా నిలిచింది.
View this post on Instagram
ఈ సినిమాలో జాన్వీ కపూర్ హీరోయిన్‌గా నటిస్తోంది. శివరాజ్ కుమార్, జగపతిబాబు వంటి సీనియర్ యాక్టర్లూ కీలక పాత్రల్లో కనిపించనున్నారు.
ఈ సినిమాకి మ్యూజిక్ దిక్కుగా ఆస్కార్ అవార్డు గ్రహీత ఏఆర్ రెహమాన్ పని చేస్తున్నారు. ఆయన సంగీతం సినిమాకి ప్రత్యేక ఆకర్షణగా మారనుంది. ఈ భారీ బడ్జెట్ సినిమాను వెంకట సతీష్ కిలారు నిర్మిస్తున్నారు.
సినిమా రిలీజ్ డేట్ కూడా ఫిక్స్ అయింది. “పెద్ది” 2026, మార్చి 27న అన్ని భారతీయ భాషల్లో గ్రాండ్‌గా రిలీజ్ కానుంది. రామ్ చరణ్ లుక్, ఫిజికల్ ట్రాన్స్‌ఫర్మేషన్ చూసిన అభిమానులు ఇప్పటికే అద్భుతంగా స్పందిస్తున్నారు. ఇప్పుడు నెట్‌ఫ్లిక్స్ డీల్‌తో హైప్ ఇంకాస్త పెరిగింది.
ఈ సినిమా రామ్ చరణ్ కెరీర్‌లో మరో పెద్ద బ్లాక్‌బస్టర్ అవుతుందని అభిమానులు ఆశిస్తున్నారు. అంతే కాదు, దర్శకుడు బుచ్చిబాబు డైరెక్షన్ కూడా ఎంతో స్టైలిష్‌గా ఉంటుందని టాక్ ఉంది.
ALSO READ: విడాకుల గురించి పెళ్లి చేసుకోని Salman Khan ఏమంటున్నారో తెలుసా?
