టాలీవుడ్ హీరో జూనియర్ ఎన్టీఆర్ బావమరిది నార్నే నితిన్ తెలుగు చిత్ర పరిశ్రమలోకి ఎంట్రీ ఇస్తున్న విషయం తెలిసిందే. నితిన్ ఫస్ట్ మూవీకి సతీష్ వేగేశ్న దర్శకత్వం వహించగా, ఈ చిత్రానికి ‘శ్రీశ్రీశ్రీ రాజావారు’ అనే టైటిల్ ను ఫిక్స్‌ చేశారు. ఈరోజు శ్రీశ్రీశ్రీ రాజావారు ఫస్ట్‌లుక్‌ని మేకర్స్ విడుదల చేశారు. పోస్టర్‌ను బట్టి చూస్తే నితిన్ ఫస్ట్ మూవీ కోసం మాస్ జోనర్ ను ఎంచుకున్నట్టుగా కన్పిస్తోంది. ఈ పోస్టర్ లో నితిన్ సిగరెట్‌ తాగుతూ కన్పిస్తుండగా, బ్యాక్ గ్రౌండ్ లో ఏదో జాతరలా కన్పిస్తోంది.
మొత్తానికి ఫస్ట్ లుక్ పోస్టర్ ఆసక్తికరంగా ఉండగా, ఈ చిత్రంలో హీరోయిన్‌గా ఎవరు నటిస్తున్నారనే విషయం తెలియాల్సి ఉంది. మరి ఈ యంగ్ హీరో ఎంట్రీకి కొత్త హీరోయిన్ ను తీసుకుంటున్నారా ? లేక మంచి క్రేజ్ ఉన్న హీరోయిన్ ను తీసుకుంటారా? అనేది చూడాలి. శ్రీ వేధాక్షర మూవీస్ నిర్మించిన ఈ చిత్రానికి మలయాళ సంగీత దర్శకుడు కైలాస్ మీనన్‌ మ్యూజిక్ అందిస్తున్నారు. ఈ చిత్రానికి సంబంధించిన మరిన్ని వివరాలు త్వరలో వెల్లడించనున్నారు.
