టాలీవుడ్ యంగ్ హీరో కిరణ్ అబ్బవరం నటిస్తున్న తాజా చిత్రం ‘వినరో భాగ్యము విష్ణుకథ’ . ఇప్పటికే విడుదలైన ఈ సినిమా టీజర్, పాటకు మంచి స్పందన వస్తోంది. తాజాగా ఓ బంగారం ఫుల్ లిరికల్ వీడియో సాంగ్ విడులైంది ‘ఓ బంగారం నీ చెయ్యే తాకగానే ఉప్పొంగిపోయిందే నా ప్రాణం.. నా బంగారం కన్నెత్తి చూడగానే నిద్దర్లే మానేసి జాగారం’ అంటూ కిరణ్ అబ్బవరం హీరోయిన్ను ఫాలో అవుతూ పాడుకుంటున్న ఈ పాట మ్యూజిక్ లవర్స్ ను ఆకట్టుకుంటుంది. సిల్వర్ స్క్రీన్పై కిరణ్ అబ్బవరం, కశ్మీర్ పరదేశి కెమెస్ట్రీని మూవీ లవర్స్ ఫుల్ ఎంజాయ్ చేయడం ఖాయమని సాంగ్ విజువల్స్ తో అర్థమవుతుంది.
భాస్కరభట్ల రాసిన ఈ పాటను కపిల్ కపిలన్ పాడాడు. చేతన్ భరద్వాజ్ కంపోజ్ చేశాడు. కిషోర్ అబ్బురూ దర్శకత్వం వహిస్తున్న వినరో భాగ్యము విష్ణుకథ ఫిబ్రవరి 17న థియేటర్లలో గ్రాండ్గా విడుదల కానుంది. కశ్మీర పరదేశి హీరోయిన్గా నటిస్తోన్న ఈ చిత్రాన్ని అల్లు అరవింద్ సమర్పిస్తుండగా.. జీఏ2 పిక్చర్స్ పతాకంపై బన్నీవాసు నిర్మిస్తున్నారు. మురళీ శర్మ, దయానంద్ రెడ్డి కీలక పాత్రలు పోషిస్తున్నారు. మురళీ శర్మ క్యారెక్టర్ ఫుల్ ఎంటర్టైన్ మెంట్ అందించనున్నట్టు టీజర్తో తెలిసిపోతుంది.