పవర్‌స్టార్‌ పవన్ కల్యాణ్‌ ఫ్యాన్స్‌కు గుడ్ న్యూస్‌.. హరీశ్ శంకర్ దర్శకత్వంలలో పవన్ కొత్త సినిమా ఖరారైంది. మైత్రీ మూవీ మేకర్స్‌ పతాకంపై ఈ సినిమాని తెరకెక్కించనున్నారు. ఈ మేరకు ఆ సంస్థ ట్విటర్‌ వేదికగా ఓ పోస్ట్‌ పెట్టింది. ”గబ్బర్‌ సింగ్‌’ తర్వాత పవర్‌స్టార్‌ పవన్‌కల్యాణ్‌, హరీశ్ శంకర్ డైరెక్షన్‌లో రానున్న సినిమాను మా బ్యానర్‌లో తెరకెక్కించడం చాలా సంతోషంగా ఉంది. సినిమాకు సంబంధించిన పూర్తి విషయాలను త్వరలో ప్రకటిస్తాం’ అని పేర్కొంది. ఇప్పటికే పవన్‌కల్యాణ్‌- హరీశ్ శంకర్ కాంబినేషన్‌లో వచ్చిన ‘గబ్బర్‌సింగ్‌’ సినిమా బ్లాక్‌బస్టర్‌ విజయాన్ని సొంతం చేసుకున్న విషయం తెలిసిందే. దీంతో త్వరలో ప్రారంభం కాబోయే ఈ సినిమాపై పవర్‌స్టార్‌ అభిమానుల్లో ఆసక్తి నెలకొంది.
‘అజ్ఞాతవాసి’ తర్వాత పవన్ కల్యాణ్‌ కొంత కాలంపాటు సినిమాకు బ్రేక్‌ ఇచ్చి రాజకీయాలతో బిజీగా ఉన్నారు.. ప్రస్తుతం ‘పింక్‌’ రీమేక్‌లో నటిస్తున్నారు. వేణు శ్రీరామ్‌ ఈ చిత్రానికి దర్శకత్వం వహిస్తున్నారు. దిల్‌రాజు, బోనీకపూర్‌ నిర్మాతలుగా వ్యవహరిన్నారు. మరోవైపు డైరెక్టర్‌ క్రిష్‌తో మరో సినిమాలో కూడా పవన్ నటిస్తున్నారు. మరోవైపు హారీశ్‌ శంకర్ గతేడాది విడుదలైన ‘గద్దలకొండ గణేష్‌’ చిత్రంతో మంచి విజయాన్ని సొంతం చేసుకున్నారు.
💣💣💣
Extremely Delighted to collaborate with Power Star @PawanKalyan garu and Powerful Director @harish2you garu after Gabbar Singh 🔥🔥🔥
More Details Soon!#PSPK28
💥💥💥
— Mythri Movie Makers (@MythriOfficial) February 1, 2020
