యంగ్‌ రెబల్‌ స్టార్‌ ప్రభాస్ ఈ మధ్య కాలంలో అన్నీ పాన్‌ ఇండియా సినిమాలే చేస్తూ వస్తున్నాడు. వందల కోట్ల బడ్జెట్ .. వేల కోట్ల బిజినెస్ అన్నట్టుగా ఆయన సినిమాలు ఉంటున్నాయి. ఈ నేపథ్యంలో ఆయనను డైరెక్టర్‌ మారుతి ఒప్పించడం విశేషం. ప్రభాస్ తో కనుక మారుతి ఆ స్థాయిలోనే ఈ సినిమాను ప్లాన్ చేయలేదు.
బడ్జెట్ పరంగా మారుతి సినిమాల రేంజ్ లోనే ఈ ప్రాజెక్ట్ ఉండనుంది. ఈ కథ అంతా కూడా ‘రాజా డీలక్స్’ అనే ఒక సినిమా థియేటర్ చుట్టూ తిరుగుతుంది. హారర్ టచ్ తో సాగే మారుతి మార్క్ కామెడీ సినిమా ఇది. కథ వినగానే ప్రభాస్ ఈ సినిమాను కూడా సాధ్యమైనంత త్వరగా కానిచ్చేద్దాం అనడానికి కారణం అందులోని కొత్తదనమే కారణం అని అంటున్నారు. వచ్చేనెలలో ఈ సినిమా షూటింగు మొదలవుతుందని వినికిడి. పదిరోజుల పాటు జరిగే ఫస్టు షెడ్యూల్లోనే ప్రభాస్ పాల్గొంటాడని తెలుస్తుంది. ఇటు ‘సలార్’ ..అటు’ ప్రాజెక్టు K’ పూర్తయ్యేలోగా ‘రాజా డీలక్స్’ను కూడా పూర్తిచేసే ఆలోచనలో ఉన్నారని టాక్.
