మెగా పవర్‌ స్టార్‌ రామ్‌ చరణ్ సాహో డైరెక్టర్‌ సుజీత్‌కు గ్రీన్ సిగ్నల్ ఇచ్చాడనే వార్తలు సోషల్‌ మీడియాలో గట్టిగా వినిపిస్తున్నాయి. సాహో మూవీ యూవీ క్రియేషన్స్ బ్యానర్ పై నిర్మితమైన ఈ సినిమా, వివిధ భాషల్లో విడుదలైంది. అప్పట్లో అంతా ఈ సినిమాను గురించే మాట్లాడుకున్నారు. భారీ బడ్జెట్ తో నిర్మితమైన ఈ సినిమా పరాజయం పాలైంది. ప్రభాస్ అభిమానులను పూర్తిస్థాయిలో నిరాశ పరిచింది.
దాంతో అప్పటి నుంచి సుజీత్ మరో సినిమా చేయలేకపోయాడు. ‘లూసిఫర్’ రీమేక్ బాధ్యతలను సుజీత్ కి అప్పగించే ప్రయత్నాలు జరిగాయి. కానీ చివరి నిమిషంలో చరణ్ మనసు మార్చుకున్నాడు. అయితే ఓ మంచి కథను తయారు చేసుకుని వస్తే తాను చేస్తానని ఆ సమయంలో సుజీత్ కి చరణ్ మాట ఇచ్చాడట. తాజాగా సుజీత్ కథ వినిపించడం .. చరణ్ ఓకే చెప్పడం జరిగిపోయిందని అంటున్నారు. శంకర్ సినిమాను పూర్తిచేసిన తరువాత ఈ ప్రాజెక్టు పట్టాలెక్కుతుందని అంటున్నారు. ఈ వార్తల్లో నిజం ఎంతుందో చూడాలి.
