బొమ్మకు క్రియేషన్స్ పతాకంపై షకలక శంకర్ టైటిల్ పాత్రలో నటిస్తున్న చిత్రం ‘ది బాస్’. యువ నిర్మాత బొమ్మకు మురళి నిర్మిస్తున్న ఈ సినిమాకి నెవర్ డైస్ అన్నది ఉపశీర్షిక. వివాదాలకు కేరాఫ్ అడ్రస్ అయిన రాంగోపాల్ వర్మ వంటి ఓ అపర మేధావి బాబాగా మారితే అనే ఊహాజనిత కథాంశం ఆధారంగా… బహుముఖ ప్రతిభాశాలి ఈశ్వర్ బాబు ధూళిపూడి డైరెక్షన్‌లో రూపొందుతున్న అత్యంత వివాదాస్పద చిత్రం ‘ది బాస్-నెవర్ డైస్” టైటిల్ లోగోను ప్రముఖ నటుడు సునీల్ విడుదల చేశారు.
ఈశ్వర్ బాబు దర్శకత్వంలో బొమ్మకు మురళి ఎంతో ప్రతిష్టాత్మకంగా నిర్మిస్తున్న “ది బాస్-నెవర్ డైస్” సమాజంలోని పలు రుగ్మతలను ప్రశ్నిస్తుందని…. రామ్ గోపాల్ వర్మను పోలిన వ్యక్తిగా షకలక శంకర్ అత్యద్భుతంగా చేసి ఉంటాడని సునీల్ పేర్కొన్నారు. తమ చిత్రం “ది బాస్-నెవర్ డైస్” టైటిల్ లోగో ఆల్ రౌండర్ సునీల్ లాంచ్ చేయడం చాలా సంతోషంగా ఉందన్నారు నిర్మాత బొమ్మకు మురళి, దర్శకుడు ఈశ్వర్ బాబు. షూటింగ్ తోపాటు పోస్ట్ ప్రొడక్షన్ దాదాపుగా పూర్తి చేసుకున్న ఈ చిత్రాన్ని త్వరలోనే విడుదల చేసేందుకు సన్నాహాలు చేస్తున్నామని వారు తెలిపారు.
డెబోరాఫెల్, సోహైల్, రాజశ్రీ, సన, హర్షవర్ధన్, పోసాని, సూపర్ ఉమన్ లిరిష, పటాస్ ప్రవీణ్, జబర్దస్త్ మురళి, చిట్టిబాబు, పంచ్ ప్రసాద్ ఇతర ముఖ్య పాత్రలు పోషిస్తున్నారు.
