మాజీ విశ్వ సుందరి సుష్మితా సేన్‌, ప్రముఖ మోడల్‌, నటుడు రోహ్మాన్‌ షాల్‌తో సహజీవనం చేస్తున్న సంగతి తెలిసిందే. ప్రస్తుతం ఈ లీవింగ్‌ రిలేషన్ కి బ్రేకప్ చెప్పినట్లు వార్తలు వినిపిస్తున్నాయి. ఇద్దరూ విడిపోయిన నేపథ్యంలో రోహ్మన్‌ నేడు సుష్మిత ఇంటి నుంచి బయటకు వచ్చేసి తన స్నేహితుడి ఇంట్లో ఉంటున్నాట్లు అంటున్నారు.
ఈ క్రమంలో ఇన్‌స్టాగ్రామ్‌ పోస్ట్‌తో బ్రేకప్ వార్తలపై క్లారిటీ ఇచ్చింది సుష్మిత. ‘ఫ్రెండ్స్‌గా మొదలైన మా ప్రయాణంలో ఫ్రెండ్స్‌గానే మిగిలిపోతున్నాము. చాలాకాలం క్రితమే రిలేషన్‌షిప్‌ ముగిసింది కానీ ప్రేమ మిగిలింది. ఐ లవ్‌ యూ గయ్స్‌’ అని రాసుకొచ్చింది. దీనికి రోహ్మాన్‌తో దిగిన ఫొటోను జత చేసింది. ఇక ఈ పోస్ట్‌పై రోహ్మన్‌ రియాక్ట్‌ అవుతూ ‘ఎల్లప్పుడూ అలాగే ఉందాం’ అని కామెంట్‌ చేశాడు. కాగా సుష్మిత తనకంటే 15 సంవత్సరాలు చిన్నవాడైన రోహ్మన్‌తో మూడేళ్లుగా డేటింగ్‌ చేస్తోంది.
