మెగాస్టార్‌ చిరంజీవి హీరోగా నటిస్తున్న ‘గాడ్‌ఫాదర్‌’ మూవీ ఫస్ట్‌ సింగల్‌ వచ్చేసింది. రెండు రోజుల క్రితం ప్రోమో ని విడుదల చేసిన చిత్రబృందం తాజాగా లిరికల్‌ సాంగ్‌ని విడుదల చేసింది. ‘తార్‌ మార్‌ తక్కర్‌ మార్‌’ అంటూ సాగే ఈ పాట నెటిజన్లను ఆకట్టుకుంటుంది. చిరంజీవి, సల్మాన్‌ ఖాన్‌ పై చిత్రీకరించిన ఈ పాటలో ఈ ఇద్దరు హీరోలు డాన్స్‌ ఓ రేంజ్‌లో చేసినట్లు ఈ వీడియో ద్వారా తెలుస్తుంది. అనంత శ్రీరామ్‌ రాసిన ఈ పాటను.. శ్రేయ ఘోషల్‌ ఆలపించగా.. తమన్‌ సంగీతం అందించారు.
మోహన్‌ రాజా డైరెక్షన్‌లో వస్తున్న ఈ సినిమా మలయాళ మూవీ ‘లూసీఫర్‌’ కు రీమేక్‌గా తెరకెక్కుతుంది. ఈ సినిమాలో సల్మాన్‌ ఖాన్‌, నయనతార, సత్యదేవ్‌ కీలక పాత్రల్లో నటిస్తున్నారు. రామ్‌ చరణ్‌, ఎన్‌.వి.ప్రసాద్‌, ఆర్‌. బి. చౌదరి సయుక్తంగా ఈ సినిమాని నిర్మిస్తున్నారు. దసరా కానుకగా ఈ సినిమా అక్టోబరు 5వ తేదీన ప్రేక్షకుల ముందుకు రానుంది.
