మెగాస్టార్ చిరంజీవి వరుస సినిమాలతో బిజీగా ఉన్నారు. ప్రస్తుతం ఆయన నటించిన ‘ఆచార్య’ సినిమా విడుదలకు రెడీగా ఉంది. ‘గాడ్ ఫాదర్’, ‘భోళా శంకర్’ చిత్రాలు లైన్ లో ఉన్నాయి. దీంతో పాటు వెంకీ కుడుముల డైరెక్షన్‌లో కూడా ఓ సినిమా రాబోతోంది. ఈ చిత్రం కామెడీ ఎంటర్ టైనర్ గా రానున్నట్టు తెలుస్తోంది.
ఇక ఈ సినిమాకు శృతిహాసన్ ను తీసుకున్నారు. తాజాగా త్రిషను ఎంపిక చేసినట్టు తెలుస్తోంది. చిరంజీవి సరసన త్రిష గతంలో కూడా నటించింది. 2006లో వచ్చిన ‘స్టాలిన్’ చిత్రంలో ఆమె మెరిసింది. ఆ తర్వాత మళ్లీ పదహారేళ్ల తరువాత చిరంజీవితో జత కట్టనున్నట్లు తెలుస్తుంది. దీనికి సంబంధించిన అఫీషియల్ అనౌన్స్ మెంట్ త్వరలోనే రానుంది.
