మెగా మేనల్లుడు వైష్ణవ్‌ తేజ్‌ టాలీవుడ్‌లో హీరోగా ఎంట్రీ ఇస్తున్న చిత్రం ‘ఉప్పెన’. కృతిశెట్టి హీరోయిన్‌గా నటిస్తున్న ఈసినిమాకి డైరెక్టర్‌ సుకుమార్‌ శిష్యుడు బుచ్చిబాబు సానా దర్శకత్వం వహిస్తున్నాడు. ఈ సినిమా ట్రైలర్‌ను యంగ్‌ టైగర్‌ జూనియర్‌ ఎన్టీఆర్ రిలీజ్‌ చేశారు. ఈ సందర్భంగా ట్విటర్‌లో ఉప్పెన ట్రైలర్‌ను రిలీజ్‌ చేస్తున్నందుకు సంతోషంగా ఉందని, టీమ్‌కు ఆల్‌ ది బెస్ట్‌ చెప్పారు. ఈ ట్రైలర్ ప్రేక్షకులను ఆకట్టుకుంటుంది. సముద్రతీర ప్రాంతంలోని గ్రామంలో ఓ పేదింటి అబ్బాయికీ, ఓ సంపన్న కుటుంబానికి చెందిన కాలేజీ అమ్మాయికీ మధ్య ఏర్పడే ప్రేమ ఎలాంటి పరిణామాలకు దారి తీసిందనే పాయింట్‌తో ఈ చిత్రం ఉండనున్నట్లుగా తెలుస్తోంది. దేవిశ్రీ ప్రసాద్ సంగీతం అందిస్తున్నాడు. ఫిబ్రవరి 12 న ఈ సినిమా ప్రేక్షకుల ముందుకు రానుంది.
