Ram Charan Peddi Movie:
గ్లోబల్ స్టార్ రామ్ చరణ్ ప్రస్తుతం బుచ్చి బాబు సనా దర్శకత్వంలో తెరకెక్కుతున్న పెడ్ది సినిమా షూటింగ్లో బిజీగా ఉన్న సంగతి తెలిసిందే. ఉప్పెనతో సంచలనం సృష్టించిన బుచ్చి బాబు, ఇప్పుడు రామ్ చరణ్కి ఓ మాస్, ఇంటెన్స్ రోల్ని అందిస్తూ భారీ ప్రాజెక్ట్గా రూపొందిస్తున్నారు.
పెద్ది ఫస్ట్ షాట్కి స్పందన ఎనలేని రీతిలో వచ్చింది. జాన్వి కపూర్ హీరోయిన్గా నటిస్తుండగా, శివరాజ్ కుమార్, జగపతిబాబు కీలక పాత్రల్లో కనిపించబోతున్నారు. మ్యూజిక్ డైరెక్టర్ ఏఆర్ రెహ్మాన్ ఈ సినిమాకు సంగీతం అందిస్తున్నారు. ఈ చిత్రం 2026 మార్చి 27న గ్రాండ్గా రిలీజ్ కానుంది.
ఇప్పుడు తాజా సమాచారం ప్రకారం, పెడ్ది తర్వాత రామ్ చరణ్ త్వరలో ఓ క్విక్ ప్రాజెక్ట్ చేయబోతున్నాడట. ఇప్పటికే సుకుమార్తో రామ్ చరణ్ మరో సినిమా కమిట్ అయినా, దాని ముందు ఓ చిన్న గ్యాప్లో ఈ ప్రాజెక్ట్ చేయాలనుకుంటున్నాడట.
దీంతో ఇండస్ట్రీలో ఒక్కటే చర్చ – ఆ క్విక్ మూవీ త్రివిక్రమ్ శ్రీనివాస్తో కావచ్చనే టాక్ వినిపిస్తోంది. మాటల మాంత్రికుడు త్రివిక్రమ్తో రామ్ చరణ్ కాంబినేషన్ అంటే ఫ్యాన్స్ కి భారీ క్రేజ్ ఉంటుంది. ఈ వార్తలు నిజమైతే ఇది మాస్, క్లాస్ ప్రేక్షకులకు తీపి వార్తే అవుతుంది.
ప్రొడ్యూసర్ నాగ వంశీ మాట్లాడుతూ – “రామ్ చరణ్ ఒక చిన్న ప్రాజెక్ట్ చేస్తారు” అని ప్రకటించడంతో ఈ రూమర్స్ బలంగా మారాయి. రామ్ చరణ్ ఫ్యాన్స్ ఇప్పటినుండే ఈ కాంబోపై హైప్ క్రియేట్ చేస్తున్నారు.
