అగ్ర దర్శకుడు ఎస్ఎస్ రాజమౌళి సృష్టించి ‘బాహుబలి’ నుండి ఇప్పటికే ‘ది బిగినింగ్, ది కన్క్లూజన్’ పేరుతో రెండు భాగాలు విడుదలై భారీ విజయాల్ని అందుకున్న సంగతి తెలిసిందే. ఈ చిత్రంలో ప్రభాస్‌, అనుష్క, తామన్నా, రానా, రమ్యా కృష్ణ మొదలైన వారు ముఖ్య పాత్రలో నటించారు. ఇప్పుడు ఈ బాహుబలి నుండి మరొక భాగం కూడ రానుంది. అయితే అది సీక్వెల్‌ కాదు ప్రీక్వెల్‌.
ప్రముఖ ఆన్ లైన్ స్ట్రీమింగ్ సంస్థ నెట్ ఫ్లిక్స్ సుమారు రూ.350 కోట్ల రూపాయల బడ్జెట్ ను కేటాయించి వెబ్ సిరీస్ రూపంలో దీన్ని రూపొందిస్తోంది. శివగామి పాత్ర, మాహిష్మతి సామ్రాజ్య వైభవం నేపథ్యంలో ఉండనున్న ఈ వెబ్ సిరీస్ మూడు సీజన్లుగా విడుదలకానుంది. దీనికి సంబందించిన ప్రోమో వీడియోను నెట్ ఫ్లిక్స్ విడుదలచేసింది. ఈ సిరీస్ కు ‘బాహుబలి – బిఫోర్ ది బిగింగ్’ అనే టైటిల్ ను నిర్ణయించారు. దీన్ని రాజమౌళి పర్యవేక్షణలో దేవ కట్ట డైరెక్ట్ చేయనున్నారు.
