టాలీవుడ్‌ యంగ్ హీరో కార్తికేయ, లావ‌ణ్య త్రిపాఠి జంట‌గా నటిస్తున్న చిత్రం ‘చావు క‌బురు చ‌ల్ల‌గా’. మెగా ప్రొడ్యూస‌ర్ అల్లు అర‌వింద్ స‌మ‌ర్ప‌ణ‌లో బన్నీ వాసు నిర్మాత‌గా ఈ సినిమాని కొత్త ద‌ర్శ‌కుడు కౌశిక్ పెగ‌ళ్ల‌పాటి తెర‌కెక్కిస్తున్నాడు. మార్చి 19న ఈ సినిమాను విడుద‌ల చేయ‌నున్న‌ట్లు నిర్మాత‌లు ప్ర‌క‌టించిన సంగ‌తి తెలిసిందే. ఈ సినిమాలో తెలుగు హాట్‌ యాంక‌ర్ అనసూయ భ‌రద్వాజ్.. ఓ మాస్ మ‌సాలా ఐట‌మ్ సాంగ్‌లో ఆడిపాడింది. అవుట్ అండ్ అవుట్ మాస్ బీట్‌తో సాగే ఈ పాట‌ను త్వ‌ర‌లోనే విడుద‌ల కానున్నట్లు చిత్ర బృందం ప్రకటించింది.
