దర్శకుడు బోయపాటి శ్రీను నందమూరి బాలకృష్ణ కాంబినేషన్‌లో సినిమా అంటే ప్రేక్షకులకు పండగే. వీరి కాంబినేషన్‌లో ఇప్పటికే ‘సింహా’ (2010), ‘లెజెండ్‌’ (2014) చిత్రాల మాస్‌ ఆడియన్స్‌ను విపరీతంగా ఆకట్టుకున్నాయి. ఇప్పుడు ఇదే కాంబినేషన్‌లో మరో మూవీ రూపు దిద్దుకుంటుంది. ఈ చిత్రం షూటింగ్ ఈ నెల 26 నుంచి వారణాశిలో జరగనున్నట్లు సమాచారం. ఈ సినిమాలో రెండు డిఫరెంట్‌ షేడ్స్‌లో బాలయ్య కనిపిస్తాడట. ఓ పాత్రలో అఘోరాగా కనిపిస్తారని టాలీవుడ్ టాక్‌.
వాస్తవానికి ఈ సినిమా షూటింగ్ ఇప్పటికే ప్రారంభం కావాల్సి వుండగా, బాలయ్య న్యూ లుక్ కోసం బోయపాటి వేచి చూడడంతో లేట్‌ అయిందట. ఆలస్యమైనా సినిమా పర్ ఫెక్ట్ గా రావాలని భావిస్తున్నారట. ఇక ఈ చిత్రంలో బాలకృష్ణ అఘోరాగా కనిపించే సన్నివేశాలు అత్యంత కీలకమని సినీ వర్గాల సమాచారం. ఇందులో ఇద్ద‌రు హీరోయిన్‌లని ఎంపిక చేసినట్టు తెలుస్తుంది. ప్ర‌స్తుతానికి శ్రియ, న‌య‌న‌తార హీరోయిన్‌లు తీసుకుంటున్నాట్లు ప్ర‌చారం జరుగుతుండ‌గా, దీనిపై అధికారికంగా ప్రకటన వెలువడాల్సిఉంది.
