క్లాప్స్ అండ్ విజిల్స్ ఎంటర్ టైన్ మెంట్స్ పతాకంపై రాకింగ్ స్టార్ మంచు మనోజ్ హీరోగా S.K. సత్య దర్శకత్వంలో రూపుదిద్దుకున్న చిత్రం గుంటూరోడు.. మార్చి 3 న ప్రపంచ వ్యాప్తంగా గ్రాండ్ రిలీజ్ కి సిద్దమవుతున్న ఈ చిత్రానికి మెగాస్టార్ చిరంజీవి గారు వాయిస్ ఓవర్ అందించడం జరిగింది . రాకింగ్ స్టార్ మనోజ్ మూవీ గుంటూరోడు చిత్రంలో కథ, పాత్రల పరిచయ సన్నివేశాలకు మెగాస్టార్ చిరంజీవి గారు తన మాస్ స్టైల్ లో వాయిస్ ఓవర్ ఇవ్వడం జరిగింది అని చిత్ర దర్శకుడు sk. సత్య తెలియచేసారు.అనంతరం హీరో మంచు మనోజ్ బాబు మాట్లాడుతూ మెగాస్టార్ చిరంజీవి గారు వాయిస్ ఓవర్ ఇవ్వడం చాలా ఆనందంగా వుందని ఈ సందర్బంగా మెగాస్టార్ చిరంజీవి గారికి మా టీం అందరి తరుపన స్పెషల్ థాంక్స్ తెలియచేస్తున్నామని తెలిపారు. మంచు మనోజ్ సరసన కథానాయకిగా ప్రగ్యా జైస్వాల్ (కంచే ఫేమ్) నటించనుండగా ముఖ్య పాత్రలలో రాజేంద్ర ప్రసాద్, కోటశ్రీనివాసరావు, రావు రమేష్ , సంపత్, పృథ్వి ,ప్రవీణ్, సత్య, జెమినీ సురేష్, కాశీ విశ్వనాథ్ తదితరులు నటిస్తున్నారు.
గుంటూరోడు కోసం చిరంజీవి!
