టాలీవుడ్‌ యంగ్‌ హీరో సందీప్‌కిషన్‌, కోలీవుడ్‌ స్టార్‌ విజయ్‌ సేతుపతి ప్రధాన పాత్రల్లో నటిస్తున్న పాన్‌ ఇండియా చిత్రం‘మైఖేల్’.భారీ యాక్షన్‌ ఎంటర్‌టైనర్‌గా తెరకెక్కనున్న ఈ మల్టీ స్టారర్‌కు రంజిత్‌ జయకొండి దర్శకత్వం వహించనున్నారు. త్వరలో పట్టాలెక్కనున్న ఈ సినిమాకి సంబంధించిన ఓ సరికొత్త అప్డేట్ ఇప్పుడు సోషల్‌ మీడియాలో వైరల్‌ అవుతుంది. సున్నితమైన ప్రేమకథా చిత్రాలతో యువతకు చేరువైన ప్రముఖ దర్శకుడు గౌతమ్‌ మేనన్‌ ఈ సినిమాలో విలన్‌గా కనిపించనున్నారు. ఈ విషయాన్ని చిత్రనిర్మాణ సంస్థ నేడు అధికారికంగా ప్రకటించింది. దీంతో సినిమాపై ప్రేక్షకుల్లో అంచనాలు పెరుగుతున్నాయి. శ్రీ వేంకటేశ్వర సినిమాస్‌ లిమిటెడ్‌, కరణ్‌ సి.ప్రొడెక్షన్స్‌ సంయుక్తంగా ఈ చిత్రాన్ని నిర్మిస్తున్నారు. మరోవైపు యాక్షన్‌ బ్యాక్‌డ్రాప్‌ కావడంతో హీరోలిద్దరూ ఫిట్‌నెస్‌పై దృష్టి సారిస్తున్నారు.
ఇదిలా ఉండగా ఇటీవల విడుదలైన ‘కనులు కనులను దోచాయంటే’ చిత్రంతో గౌతమ్‌ మేనన్‌ ఇప్పటికే నటుడిగా మంచి పేరు తెచ్చుకున్నారు. ఆ సినిమాలో ఆయన పోలీస్‌ ఆఫీసర్‌ పాత్రలో మెప్పించారు.
Team #MICHAEL 👊 takes pleasure in welcoming the maverick @menongautham Onboard to play as an antagonist💥
🌟ing Talented actor @sundeepkishan &
MakkalSelvan @VijaySethuOfflA @jeranjit Film🎬
Produced by @SVCLLP @KaranCoffl
మైఖేల్ மைக்கேல் माइकल ಮೈಕೆಲ್ മൈക്കിൾ @MichaelTheFilm pic.twitter.com/EwnWbOsxnU— Sree Venkateswara Cinemas LLP (@SVCLLP) November 22, 2021
