టాలీవుడ్‌లో నిర్మల కాన్వెంట్‌ సినిమాతో హీరోగా ఎంట్రీ ఇచ్చాడు రోషన్. ఈ సినిమా తర్వాత కొంత గ్యాప్‌ తీసుకొని పెళ్లి సందD సినిమాలో నటించాడు. కానీ ఈ సినిమా బాక్సాఫీస్‌ వద్ద ఆశించిన విజయం అందుకోలేకపోయింది. అయితే రోషన్ నటనకు మాత్రం మంచి మార్కులే పడ్డాయి. దీంతో వరుస ఆఫర్లు వస్తున్నా ఆచితూచి నిర్ణయం తీసుకుంటున్నాడు. తాజాగా ప్రముఖ నిర్మాణ సంస్థ వైజయంతి మూవీస్‌ బ్యానర్‌లో ఓ సినిమాకు గ్రీన్‌ సిగ్నల్‌ ఇచ్చాడు.
నేష‌న‌ల్ అవార్డు విన్న‌ర్ ప్ర‌దీప్ అద్వైతం ఈ సినిమాకు దర్శకత్వం వహించనుండగా.. స్వ‌ప్నా సినిమాస్ ఈ చిత్రానికి స‌హ‌నిర్మాత‌గా వ్య‌వ‌హ‌రించ‌నుంది. ఈ విషయాన్ని ఆదివారం(మార్చి13)న రోషన్ బర్త్‌డే సందర్భంగా వైజయంతి మూవీస్‌ అధికారికంగా ప్రకటన చేసింది. ఈ మేరకు ట్విట్టర్‌లో పోస్ట్‌ షేర్‌ చేసింది. ఈ సినిమాకు సంబంధించి మరిన్ని వివరాలు త్వరలోనే వెల్లడి కానున్నాయి.
We are delighted to announce our Production No.9 with #Roshann, Directed by National Award Winning Director @PradeepAdvaitam.
Wishing ‘Roshann’ a very Happy Birthday.@SwapnaCinema @VyjayanthiFilms pic.twitter.com/NEpCwzhJHl
— Vyjayanthi Movies (@VyjayanthiFilms) March 13, 2022
