నేచురల్ స్టార్ నాని హీరోగా నటిస్తున్న తాజా చిత్రం ‘టక్ జగదీష్’. శివ నిర్వాణ డైరెక్షన్‌లో రూపొందిన చిత్రం రీతూ వర్మ, ఐశ్వర్యా రాజేష్ హీరోయిన్లుగా నటిస్తున్నారు ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్నారు. ఫ్యామిలీ అండ్ యాక్షన్ ఎంటర్‌టైనర్‌గా రూపొందిన ఈ చిత్రం సమ్మర్ కానుకగా ఏప్రిల్ 23న విడుదల కానుంది. ఈ నేపథ్యంలో చిత్ర యూనిట్ ప్రమోషన్స్ జోరు పెంచింది. తాజాగా ఈ సినిమాకి సంబంధించి ‘ఇంకోసారి ఇంకోసారి..’ సాంగ్ మేకింగ్‌ వీడియోను చిత్రబృందం విడుదల చేసింది. ఈ వీడియో ఆద్యంతం అలరించేలా ఉంది. ఏప్రిల్ 13న ఈ సినిమా ట్రైలర్‌ను వైజాగ్‌లో విడుదల చేయబోతున్నారు. సినిమా ఫస్ట్‌ కాపీ కూడా సిద్ధమైంది.
