టాలీవుడ్‌ యంగ్ హీరో కిరణ్ అబ్బవరం వరుస సినిమాలతో ఫుల్‌ బిజీగా ఉన్నాడు. ఈ రోజున ఆయన పుట్టిన రోజును జరుపుకుంటున్నాడు. ఈ సందర్భంగా కిరణ్ కొత్త ప్రాజెక్టుల నుంచి అప్ డేట్స్ వస్తున్నాయి. తాజాగా మైత్రీ మూవీస్ వారు తమ బ్యానర్ లో కిరణ్ చేస్తున్న సినిమాకి సంబంధించిన టైటిల్ పోస్టర్ ను విడుదల చేశారు. ఈ సినిమాకి ‘మీటర్’ అనే టైటిల్ ను ఫిక్స్‌ చేశారు. ఈ పోస్టర్ చూస్తుంటేనే ఇది పక్కా మాస్ ఎంటర్టయినర్ అనే విషయం అర్థమవుతోంది.
రమేశ్ కాడూరి డైరెక్షన్‌లో వస్తున్న ఈ సినిమాకి, సాయి కార్తీక్ సంగీతాన్ని సమకూర్చాడు. ఇక కిరణ్ హీరోగా గీతా ఆర్ట్స్ 2లో ‘వినరో భాగ్యము విష్ణుకథ’ .. కోడి దివ్య బ్యానర్లో ‘నేను మీకు చాలా కావాల్సినవాడిని’ చేస్తున్న సంగతి తెలిసిందే.
