అక్కినేని అఖిల్ నటించిన తాజా చిత్రం ఏజెంట్. భారీ బడ్జెట్తో పాన్ ఇండియా మూవీగా తెరకెక్కుతున్న ఈ సినిమాకి సురేంద్ర రెడ్డి దర్శకత్వం వహించారు. ఈ సినిమాలో అఖిల్.. రా ఏజెంట్ గా కనిపిస్తున్నాడు. ఈ చిత్రంపై భారీ హైప్స్‌ ఉన్నాయి. ఈ మూవీ కోసం అక్కినేని అభిమానులు ఎంతో ఆసక్తిగా ఎదురుచూస్తున్నారు.
ఇప్పటికే పలుసార్లు వాయిదా పడుతూ వస్తున్న ఈ చిత్రం ఏప్రిల్‌ 28న విడుదల కానుంది. ఈ సందర్భంగా చిత్రం ప్రమోషన్స్ షురూ చేసింది చిత్రబృందం. రోజుకో అప్డేట్ ఇస్తూ అభిమానుల్లో జోష్ నింపుతోంది.తాజాగా ఈ సినిమాలోని ఫస్ట్ సింగిల్ ‘మళ్లీ మళ్లీ ‘ ప్రోమో విడుదలైంది.
ఇది ఆడియెన్స్‌ని ఆకట్టుకునేలా ఉంది. ఫిబ్రవరి సాయంత్రం 7 గంటలకు ఈ పాటను ట్విట్టర్ వేదికగా విడుదల చేయబోతున్నట్లు పేర్కొంది.ఈ చిత్రానికి హిప్హాప్ తమిళ సంగీతం సమకూరుస్తున్నాడు. సాక్షి వైద్య ఈ సినిమాలో హీరోయిన్‌గా నటించింది. మలయాళ మెగాస్టార్ మోహన్ లాల్ కీలక పాత్రలో నటించారు.
నిర్మాత అనిల్ సుంకరతో కలిసి దర్శకుడు సురేందర్ రెడ్డి ఈ సినిమాను నిర్మించారు. ఈ సినిమాతోనే సురేందర్రెడ్డి నిర్మాతగా మారబోతున్నాడు. చిరంజీవి సైరా నరసింహారెడ్డి తర్వాత సురేంద్రరెడ్డి డైరక్షన్ చేస్తున్న చిత్రం ఇది.దాదాపు రూ.90కోట్ల బడ్జెట్తో ఈ మూవీ రూపొందింది.
ఈ సినిమాలో అఖిల్ 8 ప్యాక్స్‌లో కనిపించబోతున్నాడు. మోస్ట్ ఎలిజిబుల్ బ్యాచ్లర్ తర్వాత అఖిల్ హీరోగా నటిస్తోన్న చిత్రమిది. అయితే ఇప్పటి వరుకు సరైన హిట్‌ లేని అఖిల్‌కు ఈ సినిమా అయిన కలిసి వస్తుందేమో చూడాలి.
శిల్పా శెట్టి రోజుకో డ్రెస్సుతో ఫోటో షూట్, ముప్పై ఏళ్లుగా అవే అందాలు
